Pahroza suśvietnaha ekanamičnaha kryzisu bje pa mienš nadziejnych valutach.
Ad 1 vieraśnia złoty apuściŭsia na 9% proci jeŭra. U vyniku polski Nacbank i dziaržaŭny Bank haspadarstva krajovaha vymušany byli ažyćciavić valutnuju interviencyju na biržy. Heta dazvoliła ŭźniać kurs na 3% za paŭhadziny.
Usiaho za try miesiacy złoty straciŭ 10% da jeŭra, 17% da dalara.
Amal roŭna na taki ž pracent źniaceniŭsia adnosna asnoŭnych valut rasijski rubiel. Ad žniŭnia jaho kurs upaŭ z 39,5 da 43,5 rubloŭ za jeŭra. Rehijanalnyja harady Rasii achapiŭ ažyjataž: ludzi bajacca paŭtoru rasijskaha defołtu 1998 hoda.
Na dumku ekśpiertaŭ, ani Rasii, ani Polščy surjoznyja prabiełmy nie pahražajuć. Zamiežny doŭh u hetych krain nievialiki, valutnyja reziervy značnyja. Polšča navat nie «raskarkavała» padstrachovačny kredyt MVF, jaki byŭ joj prapanavany ŭ 2009 hodzie. Jaho pamier składaŭ 30 miljardaŭ dalaraŭ, ale Polšča nie čapała jaho.
Kamientary