30 tysiačaŭ manifestantaŭ u Miensku. Apazycyja nie pryznaje vynikaŭ i zaklikaje siońnia ŭviečary znoŭ na płošču. 20 sakavika stanie vyrašalnym dniom hetych vybaraŭ.
Kali apazycyi ŭdasca sabrać bolšuju kolkaść manifestantaŭ, jana moža pierachapić inicytyvu va ŭładaŭ. Kali ž ludziej pryjdzie mienš, čym u niadzielu, heta pryviadzie da zhasańnia pratestaŭ i faktyčnaha pryznańnia pieramohi A.Łukašenki.
Kala 30 tysiač čałaviek vyjšli na Kastryčnickuju płošču stalicy 19 sakavika, niahledziačy na biesprecedentnuju kampaniju zapałochvańnia, što papiaredničała vybaram. Mitynh prachodziŭ vyklučna mirna i pry vialikim entuzijaźmie prysutnych. Mitynh byŭ vidavočna zaciahnuty. Na płoščy nie było ničoha čuvać, tamu ŭ zaviruchu ludzi pačali razychodzicca. Lidery heta adčuli i, nasupierak raniejšym zaklikam nie razychodzicca, pamianiali rašeńnie i zaprapanavali prajści na płošču Pieramohi, dzie manifestanty ŭskłali kvietki da Viečnaha ahniu.
Tym časam Centravybarkam ahučvaŭ papiarednija vyniki hałasavańnia, što mała roźnilisia ad źviestak “ekzyt-połaŭ”, praviedzienych prydziaržaŭnymi strukturami. U vybarach uziali ŭdzieł 92,6% vybarcaŭ — rekordny vynik, i ź ich A.Łukašenku addali hałasy kala 88%, a A.Milinkieviču — 4%.
Pradstaŭniki apazycyi ahučyli zusim inšyja źviestki, što hruntujucca na ličbach, atrymanych u vynikach ekzyt-połu, arhanizavanaha maskoŭskim “Lavada-centram”. Zhodna ź imi, A.Łukašenka nabraŭ tolki 47,5% hałasoŭ, a A.Milinkievič — 25,6%, i pavinien byŭ by adbycca druhi tur vybaraŭ.
Alaksandar Milinkievič i Alaksandar Kazulin zaklikali svaich prychilnikaŭ sabracca na płoščy znoŭ siońnia 20 sakavika, a 18.30. 20 sakavika i stanie vyrašalnym dniom hetych vybaraŭ.
Kali apazycyi ŭdasca sabrać bolšuju kolkaść manifestantaŭ, jana moža pierachapić inicytyvu va ŭładaŭ. Kali ž ludziej pryjdzie mienš, čym u niadzielu, heta pryviadzie da zhasańnia pratestaŭ i faktyčnaha pryznańnia pieramohi A.Łukašenki.
Treba adznačyć, što kiraŭnik naziralnikaŭ ABSE ŭžo zajaviŭ Lidzii Jarmošynaj, što spravazdača naziralnikaŭ pra vybary budzie “nia kiepskaj, a vielmi kiepskaj”.
Bolš pra padziei čytajcie na sajtach
Ciapier čytajuć
Misiju demakratyčnych siłaŭ Biełarusi va Ukrainie ŭznačaliła Volha Zazulinskaja7
Misiju demakratyčnych siłaŭ Biełarusi va Ukrainie ŭznačaliła Volha Zazulinskaja
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA66
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA6
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary