У кнігарні «Галіяфы» (вул. Старавіленская, 6) пройдзе персанальная выстава выбітнага беларускага мастака Алеся Марачкіна.
Адкрыццё 23 красавіка (субота) а 16-й гадзіне.
У галерэі кнігарні «Галіяфы» будуць паказаны каля 20 твораў жывапісу памерам 60х150. Мастак абраў фармат традыцыйных беларускіх ручнікоў, якія экспануюцца па вертыкалі. Працы прадстаўляюць сабой бессюжэтныя кампазіцыі з арнаментальнымі абстрактнымі вобразамі.
Апроч усяго, на час адкрыцця на мальберце мастака будуць дэманстравацца творы «сац-арта» ўжо вядомыя гледачу і невядомыя.
Марачкін Алесь (псеўданім: Алесь Мara; 30.03.1940) – мастак, жывапісец і графік, актыўны ўдзельнік руху мастацкае апазіцыі ў 1970—1980-я, адзін з арганізатараў неафіцыйных выставаў і акцыяў. Адзін з заснавальнікаў БНФ.
Працуе пераважна ў станкавым жывапісе ў жанрах партрэта, тэматычнай карціны, пейзажа і нацюрморта. Тэматыка яго твораў прысвечана гістарычным падзеям мінулага і сучаснасці, раскрывае багацце духоўнай культуры беларускага народа. Для ранніх твораў характэрны рэалістычная манера адлюстравання ў спалучэнні з аб'ёмна-пластычным, рэльефным пісьмом і сімволіка-алегарычнымі матывамі. 3 1990 творы набываюць характар фармалістычных кампазіцый з камбінаванай манерай выканання і ўмоўнай перадачай аб'ёму.
Выставу можна будзе наведаць да 1 траўня 2016 года.
Уваход вольны. Сардэчна запрашаем!
Тэлефон для даведак: +375-17-237-75-27
Сейчас читают
Возле Софии в Полоцке установили памятник летчикам Ничипорчику и Куконенко. Но даже не самолет той модели, на которой они погибли, а аэроплан сталинского времени1919
Комментарии