U kniharni «Halijafy» (vuł. Staravilenskaja, 6) projdzie piersanalnaja vystava vybitnaha biełaruskaha mastaka Alesia Maračkina.
Adkryćcio 23 krasavika (subota) a 16-j hadzinie.
U halerei kniharni «Halijafy» buduć pakazany kala 20 tvoraŭ žyvapisu pamieram 60ch150. Mastak abraŭ farmat tradycyjnych biełaruskich ručnikoŭ, jakija ekspanujucca pa viertykali. Pracy pradstaŭlajuć saboj bieśsiužetnyja kampazicyi z arnamientalnymi abstraktnymi vobrazami.
Aproč usiaho, na čas adkryćcia na malbiercie mastaka buduć demanstravacca tvory «sac-arta» ŭžo viadomyja hledaču i nieviadomyja.
Maračkin Aleś (psieŭdanim: Aleś Mara; 30.03.1940) – mastak, žyvapisiec i hrafik, aktyŭny ŭdzielnik ruchu mastackaje apazicyi ŭ 1970—1980-ja, adzin z arhanizataraŭ nieaficyjnych vystavaŭ i akcyjaŭ. Adzin z zasnavalnikaŭ BNF.
Pracuje pieravažna ŭ stankavym žyvapisie ŭ žanrach partreta, tematyčnaj karciny, piejzaža i naciurmorta. Tematyka jaho tvoraŭ pryśviečana histaryčnym padziejam minułaha i sučasnaści, raskryvaje bahaćcie duchoŭnaj kultury biełaruskaha naroda. Dla rańnich tvoraŭ charakterny realistyčnaja maniera adlustravańnia ŭ spałučeńni z abjomna-płastyčnym, reljefnym piśmom i simvolika-aleharyčnymi matyvami. 3 1990 tvory nabyvajuć charaktar farmalistyčnych kampazicyj z kambinavanaj manieraj vykanańnia i ŭmoŭnaj pieradačaj abjomu.
Vystavu možna budzie naviedać da 1 traŭnia 2016 hoda.
Uvachod volny. Sardečna zaprašajem!
Telefon dla daviedak: +375-17-237-75-27
Kamientary