У Жлобіне на чатырох супрацоўнікаў БМЗ, якія зладзілі страйк, завялі крымінальную справу. Ім пагражае да трох гадоў турмы
У Жлобіне распачалі крымінальную справу на чатырох супрацоўнікаў БМЗ, якія ладзілі страйк у жніўні. Іх абвінавачваюць у «арганізацыі і падрыхтоўцы дзеянняў, што груба парушаюць грамадскі парадак, альбо актыўны ўдзел у іх». Пакаранне па гэтым артыкуле прадугледжвае да трох гадоў пазбаўлення волі, паведамляюць Моцныя навіны.
Каля 400 рабочых БМЗ 17 жніўня папярэдзілі пра страйк. Рабочыя пайшлі па цэхах і пачалі спыняць транспарт. Неўзабаве супрацоўнікі БМЗ паведамілі, што ім удалося прыпыніць працу трох печаў. Збор подпісаў за законны страйк прадоўжыўся. Ужо ў 17.00 металургі вызвалілі дарогу тэхналагічнаму транспарту, тым самым даўшы магчымасць падвезці сыравіну да печаў і зноў іх распаліць.
6 лістапада стала вядома, што на чацвярых работнікаў БМЗ завялі крымінальную справу за падзеі 17 жніўня. Следчы камітэт ацаніў страты заводу ад дзеянняў рабочых у 1088 рублёў 29 капеек.
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары