Здаецца, даведацца, колькі вы важыце, вельмі проста: трэба толькі стаць на вагі і пабачыць лічбу. Але насамрэч ёсць шмат фактараў, якія ўплываюць на тое, ці дакладным будзе вымярэнне. Расказваем, што трэба ўлічваць.
Эксперты кажуць, што ўставаць на вагі трэба толькі раніцай, на пусты страўнік і пасля наведвання туалета. Лепш за ўсё ўзважвацца без адзення, а таксама выкарыстоўваць адны і тыя ж вагі. Такое вымярэнне будзе найбольш аб’ектыўным, піша onet.pl.
Вядома, што раніцай мы важым менш за ўсё. Гэта звязана, па-першае, з тым, што ноччу арганізм крыху абязводжваецца, бо на працягу 7-8 гадзін сну вы нічога не п’яце, і ваша цела толькі выводзіць ваду. Другая прычына — пусты страўнік, таму што большая частка ежы, якую вы з’елі ўвечары, раніцай ужо ператраўленая.
Нарэшце, ноччу арганізм выдаткоўвае энергію. Падчас сну мы дыхаем, наша цела перадае нервовыя сігналы, яно вымушанае падтрымліваць тэмпературу цела на адпаведным узроўні. На ўсё гэта трэба траціць энергію, то-бок калорыі, і мы не папаўняем яе запасы падчас сну. За гадзіну сну спальваецца 60 кілакалорый, што, здаецца, не так і шмат, але 8 гадзін сну ўжо будзе каштаваць вам амаль 500 кілакалорый.
Дзякуючы гэтым фактарам, вы можаце атрымаць найменшую магчымую для вас на гэты момант лічбу вагі. Гэта важна для тых, хто худзее, бо чым меншая лічба, тым больш матываваным вы будзеце для далейшага пахудзення.
На жаль, нават выкананне гэтых правілаў не гарантуе, што вы не атрымаеце нечакана вялікую лічбу вагі. У жанчын вага можа хістацца пад уплывам гармонаў, узровень якіх змяняецца падчас розных фаз менструальнага цыклу. Таксама вага можа трохі павялічыцца пасля спажывання ежы, у якой шмат вугляводаў, бо частка вугляводаў пераўтвараецца ў малекулу пад назвай глікаген, а кожны грам глікагену звязваецца з трыма грамамі вады. У выніку вага павялічваецца за кошт гэтай вады.
Сем залатых правілаў для тых, хто займаецца спортам на вуліцы — бярыце на ўзбраенне
«Я важыў 152 кг». Гарадзенец распавядае, як схуднеў амаль удвая
Сэкс больш эфектыўны для пахудання, чым прагулкі
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак11
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары