Zdajecca, daviedacca, kolki vy važycie, vielmi prosta: treba tolki stać na vahi i pabačyć ličbu. Ale nasamreč jość šmat faktaraŭ, jakija ŭpłyvajuć na toje, ci dakładnym budzie vymiareńnie. Raskazvajem, što treba ŭličvać.
Ekśpierty kažuć, što ŭstavać na vahi treba tolki ranicaj, na pusty straŭnik i paśla naviedvańnia tualeta. Lepš za ŭsio ŭzvažvacca biez adzieńnia, a taksama vykarystoŭvać adny i tyja ž vahi. Takoje vymiareńnie budzie najbolš abjektyŭnym, piša onet.pl.
Viadoma, što ranicaj my važym mienš za ŭsio. Heta źviazana, pa-pieršaje, z tym, što nočču arhanizm krychu abiazvodžvajecca, bo na praciahu 7-8 hadzin snu vy ničoha nie pjacie, i vaša cieła tolki vyvodzić vadu. Druhaja pryčyna — pusty straŭnik, tamu što bolšaja častka ježy, jakuju vy źjeli ŭviečary, ranicaj užo pieratraŭlenaja.
Narešcie, nočču arhanizm vydatkoŭvaje enierhiju. Padčas snu my dychajem, naša cieła pieradaje niervovyja sihnały, jano vymušanaje padtrymlivać tempieraturu cieła na adpaviednym uzroŭni. Na ŭsio heta treba tracić enierhiju, to-bok kałoryi, i my nie papaŭniajem jaje zapasy padčas snu. Za hadzinu snu spalvajecca 60 kiłakałoryj, što, zdajecca, nie tak i šmat, ale 8 hadzin snu ŭžo budzie kaštavać vam amal 500 kiłakałoryj.
Dziakujučy hetym faktaram, vy možacie atrymać najmienšuju mahčymuju dla vas na hety momant ličbu vahi. Heta važna dla tych, chto chudzieje, bo čym mienšaja ličba, tym bolš matyvavanym vy budziecie dla dalejšaha pachudzieńnia.
Na žal, navat vykanańnie hetych praviłaŭ nie harantuje, što vy nie atrymajecie niečakana vialikuju ličbu vahi. U žančyn vaha moža chistacca pad upłyvam harmonaŭ, uzrovień jakich źmianiajecca padčas roznych faz mienstrualnaha cykłu. Taksama vaha moža trochi pavialičycca paśla spažyvańnia ježy, u jakoj šmat vuhlavodaŭ, bo častka vuhlavodaŭ pieraŭtvarajecca ŭ malekułu pad nazvaj hlikahien, a kožny hram hlikahienu źviazvajecca z tryma hramami vady. U vyniku vaha pavialičvajecca za košt hetaj vady.
Siem załatych praviłaŭ dla tych, chto zajmajecca sportam na vulicy — biarycie na ŭzbrajeńnie
«Ja važyŭ 152 kh». Haradzieniec raspaviadaje, jak schudnieŭ amal udvaja
Seks bolš efiektyŭny dla pachudańnia, čym prahułki
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary