Канадскія даследчыкі высветлілі, што заняткі сэксам ані не менш карысныя ў справе пахудання, чым умераныя фізічныя нагрузкі. Яны нават больш эфектыўныя, чым пешыя прагулкі, і адназначна больш прыемныя.
Навукоўцы з Універсітэта Квебека нарэшце далі адказ на пытанне аб тым, ці можна расцэньваць заняткі сэксам у якасці замены фізічных нагрузак.
Бо доўгі час многія людзі сцвярджалі, што сэкс замяняе ім фізкультуру і дазваляе захоўваць добрую фізічную форму, адначасова даючы магчымасць яшчэ і атрымліваць вялікае задавальненне.
Высветлілася, што гэта сцвярджэнне не пазбаўлена здаровага сэнсу.
Падчас заняткаў сэксам мужчыны, у сярэднім, спальваюць па 4,2 калорыі у хвіліну, а жанчыны па 3,1. Калі сыходзіць з сярэдняй працягласці палавога акту ў 27 хвілін (мінімальны ў ходзе апытання быў устаноўлены на ўзроўні 10 хвілін, а максімальны — у 52), то агульная колькасць спаленых калорый складзе 104 для мужчыны і 69 для жанчыны.
У цэлым, гэта нават больш, чым пры пешай прагулцы, але не так шмат, як пры занятках бегам. Для параўнання, на бегавой дарожцы мужчына спальвае за адну хвіліну крыху больш за 9 калорый, а жанчына каля 7.
І хоць пахуданне з дапамогай сэксу ніяк не назавеш хуткім, гэты тып фізічных нагрузак варта прызнаць цалкам дапушчальным.
Дарэчы, раней навукоўцы з Універсітэта Алабамы высветлілі, што за сярэдні па працягласці палавы акт спальвае ўсяго 21 калорыю.
Але яны адштурхоўваліся ад меркавання, што гэты акт доўжыцца ўсяго 6 хвілін — не надта аптымістычны паказчык. Магчыма, ён справядлівы толькі для мужа і жонкі, якія ўжо шмат гадоў пражываюць разам.
-
«Беларуская Барбі» Кацярына Коба выйшла замуж у Швейцарыі. Імаверна, за таямнічага расійскага мультымільянера
-
«У Вайноны Райдэр велізарныя грудзі. І яна пастаянна хацела займацца каханнем. Гэта стамляла»
-
Украінская мадэль згуляла з грузінскім бізнэсменам вяселле ў Канах на 5 мільёнаў еўра. Вядучымі былі Яўген Перлін і Максім Галкін
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях32
Каментары