«Пісаў у інтэрнэце негатыўныя, непрыстойныя і недапушчальныя выказванні ў адрас Лукашэнкі» — у чым абвінавачваюць журналіста Мажэйку
Сёння пачаўся суд над Генадзем Мажэйкам, аўтарам «Камсамольскай праўды ў Беларусі». Менавіта яго імя стаяла пад артыкулам пра забітага Андрэя Зельцэра, пасля публікацыі якога сайт «Камсамольскай праўды ў Беларусі» быў заблакаваны. Сам журналіст быў затрыманы ў Маскве 1 кастрычніка 2021 года.
Але тэкст пра Зельцэра — не адзінае, у чым вінавацяць Мажэйку.
Як піша «Спутнік», у абвінавачванні, якое зачытаў пракурор, сцвярджаецца, што «Мажэйка, праяўляючы амаральную зацікаўленасць у экстрэмісцкай дзейнасці, з'яўляючыся яе прыхільнікам і дзейнічаючы па матывах палітычнай і ідэалагічнай варожасці, у перыяд з 23 чэрвеня 2020 года па кастрычнік 2021 года здзейсніў шэраг злачынстваў».
Ён нібыта пісаў у інтэрнэце «негатыўныя, непрыстойныя і недапушчальныя» выказванні ў адрас Лукашэнкі, а на сустрэчы з дэпутатам Варанецкім, «парушаючы агульначалавечую мараль», праводзіў агітацыю супраць дзейнай улады.
Мажэйка нібыта сказаў тады, што з аўтаматам бегаць можа толькі вар’ят.
Журналіст віну не прызнаў і заявіў, што на той сустрэчы пра Лукашэнку выказваўся не ён. У адрас улады ніякіх абразлівых выразаў ён не дапускаў і прыхільнікам апазіцыі не з’яўляецца.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь9
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары
=============================================
Или им сцыкотно?