Вальфовіч: Польшча і краіны Балтыі не стануць нападаць на Беларусь
Па словах дзяржсакратара Рады бяспекі, краіны Паўночнаатлантычнага альянсу, якія мяжуюць з Беларуссю, выдатна ацэньваюць магчымасці Рэспублікі і яе стратэгічнае партнёрства з Расіяй.
Беларусь сумняваецца, што сумежныя з ёй краіны будуць развязваць ваенныя дзеянні супраць яе, заявіў дзяржсакратар Рады бяспекі Аляксандр Вальфовіч. Ён адзначыў, што ў Мінску бачаць тую абстаноўку, якая складваецца на заходніх рубяжах, а таксама тыя сілы і сродкі, якія сёння ёсць у арсенале Польшчы і краін Балтыі, піша «Спутнік».
«Але перш за ўсё гэта сілы і сродкі аб'яднаных Узброеных сіл блока НАТА, якія сёння знаходзяцца на тэрыторыі сумежных краін», — сказаў Вальфовіч у эфіры тэлеканала АНТ.
З ягоных слоў, суседнія краіны блока НАТА занялі пазіцыю на павелічэнне свайго вайсковага патэнцыялу на шкоду эканамічным інтарэсам. Да прыкладу, Польшча працягвае павялічваць колькасны склад свайго войска, у тым ліку за кошт новых дывізій на мяжы з Беларуссю.
Дзяржсакратар падкрэсліў, што нарошчванне ўзброеных сіл не гаворыць пра міралюбны характар гэтых краін. Пры гэтым ён мяркуе, што Польшча і краіны Балтыі не збіраюцца нападаць на Беларусь.
«Я думаю, яны выдатна ацэньваюць, што развязваць ваенныя дзеянні супраць Рэспублікі Беларусь, якая з'яўляецца стратэгічным партнёрам Расейскай Федэрацыі, напэўна, проста неразумна і немэтазгодна», — рэзюмаваў генерал-лейтэнант.
Цяпер чытаюць
«Сорамна і балюча!» Сяргей Ціханоўскі паскардзіўся на недастатковую падтрымку беларусаў80
Каментары
Не дале, как 2 недели назад, другой, высокопоставленный генерал (запамятовал фамилию), предлагал прорубить коридор в Калининградскую обл. с помощью военного нападения ?
Вы там определитесь, а то из одной крайности в другую крайность, бросаетесь каждую, новую неделю.
Или это ваша многовекторность?