Valfovič: Polšča i krainy Bałtyi nie stanuć napadać na Biełaruś
Pa słovach dziaržsakratara Rady biaśpieki, krainy Paŭnočnaatłantyčnaha aljansu, jakija miažujuć ź Biełaruśsiu, vydatna aceńvajuć mahčymaści Respubliki i jaje stratehičnaje partniorstva z Rasijaj.
Biełaruś sumniavajecca, što sumiežnyja ź joj krainy buduć raźviazvać vajennyja dziejańni suprać jaje, zajaviŭ dziaržsakratar Rady biaśpieki Alaksandr Valfovič. Jon adznačyŭ, što ŭ Minsku bačać tuju abstanoŭku, jakaja składvajecca na zachodnich rubiažach, a taksama tyja siły i srodki, jakija siońnia jość u arsienale Polščy i krain Bałtyi, piša «Sputnik».
«Ale pierš za ŭsio heta siły i srodki abjadnanych Uzbrojenych sił błoka NATA, jakija siońnia znachodziacca na terytoryi sumiežnych krain», — skazaŭ Valfovič u efiry telekanała ANT.
Ź jahonych słoŭ, susiednija krainy błoka NATA zaniali pazicyju na pavieličeńnie svajho vajskovaha patencyjału na škodu ekanamičnym intaresam. Da prykładu, Polšča praciahvaje pavialičvać kolkasny skład svajho vojska, u tym liku za košt novych dyvizij na miažy ź Biełaruśsiu.
Dziaržsakratar padkreśliŭ, što naroščvańnie ŭzbrojenych sił nie havoryć pra miralubny charaktar hetych krain. Pry hetym jon miarkuje, što Polšča i krainy Bałtyi nie źbirajucca napadać na Biełaruś.
«Ja dumaju, jany vydatna aceńvajuć, što raźviazvać vajennyja dziejańni suprać Respubliki Biełaruś, jakaja źjaŭlajecca stratehičnym partnioram Rasiejskaj Fiederacyi, napeŭna, prosta nierazumna i niemetazhodna», — reziumavaŭ hienierał-lejtenant.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary
Nie dale, kak 2 niedieli nazad, druhoj, vysokopostavlennyj hienierał (zapamiatovał familiju), priedłahał prorubiť koridor v Kalininhradskuju obł. s pomoŝju vojennoho napadienija ?
Vy tam opriedielitieś, a to iz odnoj krajnosti v druhuju krajnosť, brosajetieś každuju, novuju niedielu.
Ili eto vaša mnohoviektornosť?