Юлія Навальная заклікала далучыцца да акцыі «Апоўдні супраць Пуціна» на расійскіх прэзідэнцкіх выбарах
Юлія Навальная выступіла з відэазваротам. Яна падтрымала акцыю «Апоўдні супраць Пуціна», якую раней прапанаваў ФБК і падтрымаў Аляксей Навальны. У рамках акцыі трэба прыйсці на выбарчыя ўчасткі 17 сакавіка ў 12:00. Там — альбо прагаласаваць за любога кандыдата, акрамя Пуціна, альбо сапсаваць бюлетэнь.
«Аляксей марыў пра цудоўную Расіі будучыні. А вы і ёсць гэтая Расія. У гэтыя дні я ўбачыла вельмі шмат цяпла, дабрыні і згуртаванасці, і гэта менавіта тое, што адрознівае нас ад людзей, якія сядзяць у Крамлі. У іх — культ мінулага, вайна, ракеты і подлыя забойства, а ў нас — каханне, узаемападтрымка і вера ў будучыню. Цяпер вы ўсе ведаеце, што нас, усіх тых, хто любіць і падтрымлівае Аляксея, хто падзяляе яго ідэі, нас на самай справе вельмі шмат. І пакуль мы маем адзін аднаго, нічога не скончылася. Лепшы спосаб не губляць гэта адчуванне адзінства — гэта часцей аказвацца побач», — кажа Навальная.
Дзень выбараў — таксама такая магчымасць пабыць побач. «У гэтай акцыі заклікаў удзельнічаць Аляксей, і таму для мяне асабіста яна так важная. Я хачу зрабіць тое, што ён лічыў правільным я заклікаю ўсіх прыходзіць у памяць пра яго», — сказала Юлія Навальная.
У суботу, 2 сакавіка, сайт акцыі быў заблакаваны на тэрыторыі Расіі.
Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе6
Каментары
Да таго ж самага заклікалі Жываглод, Ціханоўская, Латушка і інш.