Спорт77

А вы ведаеце, што ў Мінску таксама прайшлі Алімпійскія гульні? І нават запалілі алімпійскі агонь

Асноўныя спаборніцтвы, безумоўна, прайшлі ў 1980-м у Маскве, але некаторым гарадам СССР таксама пашанцавала. У Таліне адбылася ветразевая рэгата, а ў Кіеве, Ленінградзе і Мінску згулялі некаторыя футбольныя матчы.

Да Алімпіяды рыхтаваліся доўга. Абнавілі гасцініцы, пабудавалі гасцініцу «Планета», зрабілі трасу М1 — так званую «алімпійку».

На стадыёне «Дынама», які стаў цэнтральным аб'ектам Алімпіяды-80 у сталіцы Беларусі, паставілі гіганцкія мачты асвятлення (у 2019-м іх замянілі новымі), зрабілі табло і надбудавалі другі ярус трыбун, давёўшы колькасць месцаў да 50 тысяч.

У Мінск алімпійскі агонь прывезла чатырохразовая алімпійская чэмпіёнка (1972, 1976) Вольга Корбут. На Цэнтральнай плошчы (цяпер плошча Незалежнасці) прайшоў урачысты мітынг, піша «Спутнік».

Аляксандр Мядзведзь

На стадыёне агонь запальваў вядомы беларускі барэц Аляксандр Мядзведзь.

Існуе байка, што Мядзведзь пасля запальвання вялікага факелу апусціў сваю маленькую паходню ў спецыяльна пастаўленае на гэты выпадак вядро, і агонь прапаліў яго наскрозь літаральна да бетону трыбун.

У Мінску гулялі зборныя Алжыра, Ірака, Іспаніі, Коста-Рыкі, Сірыі, Фінляндыі і Югаславіі. Дарэчы, купіць квіткі на футбольныя матчы ў касах было практычна немагчыма.

У нас прайшлі матчы Алжыр — Сірыя (3:0), Іспанія — Сірыя (0:0), Іспанія — Алжыр (1:1), а таксама матчы зборнай Югаславіі з Фінляндыяй (2:0), Коста-Рыкай (3:2) і Ірака (1:1).

Таксама ў Мінску прайшоў чвэрцьфінал Югаславія — Алжыр (3:0).

Потым асноўныя падзеі перанесліся ў Маскву.

Нагадаем, што частка краін байкатавала тую Алімпіяду, аднак некаторыя краіны паслалі свае дэлегацыі пад алімпійскім сцягам.

Каментары7

  • Во што тады было
    27.07.2024
    То былі савецкія гульбішчы падчас вайны ў Афганістане.
  • Праўда жыцця
    27.07.2024
    Жыве Беларусь!, не дуры галавы, дзякуючы выскачкам 20 га ўжо нічога наперадзе акром расеі нас не чакае
  • Ахаха
    27.07.2024
    Праўда жыцця, заплаці падпіску на СБ і далей сядзі на канапе

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

«Памятнік жэртвам фашызму»: у Азарычах з’явіўся дзіўны ўказальнік28

больш чытаных навін
больш лайканых навін

Крымскі мост зруйнаваны ўдарам ракет «Фламінга»14

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць