Мінімум тры «шахеды» ноччу і раніцай заляцелі ў Беларусь — адзін прапаў
Авіяцыя не падымалася.
Ноччу і раніцай 28 кастрычніка ў Беларусь з Украіны заляцелі мінімум тры расійскія дроны-камікадзэ тыпу «шахед», піша Беларускі Гаюн.
Першы дрон заляцеў у 00:26 з Кіеўскай вобласці праз населены пункт Дзятлік і працягнуў рух на паўночны захад у бок Нароўлі, пасля чаго знік. Паветраны сілы УСУ паведамілі, што ўсяго за ноч у кірунку Беларусі і Расіі паляцелі і зніклі чатыры беспілотнікі.
Акрамя гэтага, кароткатэрміновыя заходы ў паветраную прастору Беларусі зафіксаваныя таксама ў 09:06 і 10:08, калі «шахеды» кружылі на мяжы Беларусі з Кіеўскай вобласцю ў Чарнобыльскай зоне.
Што тычыцца авіяцыі, дзяжурныя знішчальнікі ВПС Беларусі ў паветра не падымаліся.
Прапаганда рыхтуе грамадства да загадкавай «працяглай камандзіроўкі» Лукашэнкі39
Каментары