Палітвязень, які сядзеў з Эдуардам Бабарыкам, назваў яго «вельмі моцным»
На прэс-канферэнцыі ў Вільні былы палітзняволены Яўген Сямёнаў расказаў, як перасёкся ў калоніі з сынам Віктара Бабарыкі Эдуардам.
«Чалавек пакінуў вельмі глыбокі ўражанне асабіста ў маёй душы. Мы шмат размаўлялі з ім: пра кнігі, пра псіхалогію, пра дзяўчат. Яму даволі цяжка, але ён вельмі моцны і вельмі трымаецца. Я б хацеў звярнуцца, каб вы дапамаглі з рашэннем пытання аб яго вызваленні», — расказаў Яўген Сямёнаў.
У той час 30-гадовы Эдуард Бабарыка падчас выбарчай кампаніі 2020 года ўзначаліў перадвыбарчы штаб свайго бацькі Віктара Бабарыкі.
Іх абодвух затрымалі 18 чэрвеня 2020 года за два месяцы да выбараў, калі яны везлі з Цэнтрвыбаркам сабраныя подпісы.
Тры гады Эдуард Бабарыка правёў без суда. Толькі ў ліпені 2023 года яго асудзілі да васьмі гадоў зняволення. Сваёй віны не прызнаў.
Выстаўленыя абвінавачванні:
- арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
- арт. 243 Крымінальнага кодэкса — Ухіленне ад выплаты сум падаткаў, збораў
- арт. 130 Крымінальнага кодэкса — Распальванне варожасці ці варажнечы
- арт. 411 Крымінальнага кодэкса — Злоснае непадпарадкаванне патрабаванням адміністрацыі папраўчай установы
Пры гэтым у тэрмін не залічылі час утрымання ў СІЗА КДБ па першапачатковым абвінавачванні — паўтара года. Пазней Эдуарда асудзілі яшчэ да двух гадоў пазбаўлення волі паводле артыкула 411.
Пакаранне адбывае ў калоніі ў Бабруйску, быў у ПКТ.
Цяпер чытаюць
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне12
Каментары