Севярынец: Аўтуховіча ў турме прызнаюць легендай нават тыя, хто супрацоўнічае з адміністрацыяй. Ён крэмень
Палітык і былы палітвязень Павел Севярынец расказаў «Свабодзе», што ён ведае пра стан Мікалая Аўтуховіча за кратамі. Палітзняволенаму сёння споўнілася 63 гады.
У гарадзенскую турму Павел Севярынец трапіў летам 2023 году, яго перавялі туды з Шклоўскай калоніі. За кратамі ў Горадні Севярынец заставаўся да самага вызваленьня 13 снежня 2025 году.
Якраз у гэтай турме трымаюць Мікалая Аўтоховіча. І ён там стаў легендай.
«Ён трымаецца вельмі добра. Для Аўтуховіча ў турме спэцыяльныя ўмовы, ён у асобнай камэры, у адзіночцы. Наколькі я магу меркаваць, ён, дзякуй Богу, жывы і ў бадзёрым стане. Што з ягоным здароўем, дакладна ня ведаю. Міколу Аўтуховіча прызнаюць легендай і іншыя вязьні, нават тыя, хто супрацоўнічае з адміністрацыяй.
З тых, хто цяпер на волі, мы перасякаліся з Паўлам Вінаградавым і Міколам Дзядком. Хлопцы клясна сябе паводзілі, проста ўзорна. Пра іншых ня буду гаварыць, ім можа стаць горш. Пра Міколу Аўтуховіча я ня думаю, што яму ўжо можа быць горш. Ён трымаецца там як крэмень», — расказаў Севярынец.
Палітзняволенага прадпрымальніка і палітыка Міколу Аўтуховіча ў 2022 годзе пасля працяглага судовага працэсу асудзілі на 25 гадоў пазбаўлення волі. Яго абвінавацілі адразу паводле 12 артыкулаў Крымінальнага кодэкса, у тым ліку ў «здрадзе дзяржаве» і «замаху на захоп улады». Міколу Аўтуховіча трымаюць у адзіночнай камеры Гродзенскай крытай турмы, пра яго стан амаль нічога не вядома.
Паводле прысуду, Аўтоховіча кінулі ў турму на пяць гадоў. Гэты тэрмін мусіў скончыцца ў снежні 2025 года, пасля чаго палітзняволенага павінны перавесці ў калонію.
Сёння, 7 студзеня, Аўтоховіч сустракае за кратамі дзень народзінаў: яму споўнілася 63 гады.
Чытайце таксама: «Мы выйдзем шчыльнымі радамі». Падрабязнасці таго, што адбываецца на працэсе Аўтуховіча, уражваюць і вымушаюць задумацца
«Тэрарыстка» Дзербыш, якая атрымала 20 гадоў: Следчы прапаноўваў абылгаць Аўтуховіча ў абмен на лягчэйшае пакаранне
У царкве-шэдэўры, што згарэла пад Жабінкай, да 2020 года служыў святар-палітвязень Разановіч
«Хтосьці ў кіраўніцтве сілавікоў вырашыў вывесці Бялюціна са «справы Аўтуховіча» і выкарыстаць іначай»
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!3
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары