Аказваецца, Вольга Бондарава выпадкова апублікавала інфармацыю з «экстрэмісцкага» сайта ў сваім тэлеграм-канале, пакуль змагалася з блогерам Дзім Дзімычам і яго прадзюсарам Flagman Music. Пра гэта ў звароце расказалі яе паплечнікі — дакумент ёсць у рэдакцыі выдання Hrodna.life.
«Вольгу Бондараву, якая абараняла нашых дзяцей ад згубнага ўплыву Дзім Дзімыча, пасадзілі на 2 тыдні ў турму за неасцярожна размешчаную інфармацыю з экстрэмісцкага сайта ў сваім ТГ-канале, прызналі экстрэмісткай, адлічылі з апошняга курсу ўніверсітэта, паставілі таўро, згодна з якім яна не зможа займаць дзяржаўныя пасады (магчыма, што і яе дзеці)», — пішуць у звароце супраць «акультызму» яе паплечнікі.
Яны таксама папрасілі прызнаць ужытае да Вольгі Бондаравай пакаранне неадпаведным «правіне», аднавіць яе ва ўніверсітэце. А яшчэ — правесці праверку, ці не з’яўляецца такое строгае пакаранне за нязначную правіну запалохваннем чалавека.
Кампанія Flagman Music займаецца прадзюсаваннем артыстаў і блогераў, у тым ліку — Дзмітрыя Сіўчыка (Дзім Дзімыча). Бондарава абвінаваціла яго ў ЛГБТ-прапагандзе, негатыўным стаўленні да сілавых структур і матывацыі да сацыяльна-небяспечных паводзін. Пасля гэтага кампанія заявіла пазоў да актывісткі. Урэшце бакі пагадзіліся вырашыць справу праз медыятара.
На 13 сутак прарасійскую актывістку Вольгу Бондараву пасадзілі ў сакавіку 2025 года.
Бондарава і ўсе астатнія. Топ-20 беларусаў, пра якіх у 2025 годзе чыталі ў беларускай Вікіпедыі
Беларускія блогеры-мільённікі, з якімі змагаецца Бондарава, далі канцэрт у акупаваным Крыме
Блогер, на якога пісала даносы Вольга Бондарава, апублікаваў сумесны здымак з Колем Лукашэнкам
Дзім Дзімыча не ўзялі ў лукашэнкаўскую «Белую Русь»
Бондарава заявіла, што выйграла суд. І закляйміла тых, хто ўсадзіў ёй нож у спіну
Бондарава дакалупалася да верша «Вавёрка» ў праграме дзіцячых садкоў. Што з ім не так?
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары