У вадаёме парку Уручча ў Мінску заўважылі чырванавухіх чарапах. Пра знаходку паведаміў Onliner Раман: паводле яго слоў, у сажалцы жывуць як мінімум дзве асобіны.
Адна з чарапах даволі вялікая — каля 15 см, з прыкметным налётам на панцыры, які сведчыць аб тым, што яна знаходзіцца ў вадзе ўжо доўгі час. Непадалёк заўважылі яшчэ адну — меншага памеру. Па словах відавочцаў, падобных чарапах у гэтым парку бачылі і ў мінулым годзе. Гэта можа азначаць, што ім удалося перажыць зіму.
Як менавіта жывёлы апынуліся ў вадаёме, невядома. Хутчэй за ўсё, іх выпусцілі былыя ўладальнікі. Чырванавухіх чарапах часта прадаюць маленькімі, але з часам яны вырастаюць да вялікіх памераў і патрабуюць асаблівых умоў утрымання. Акрамя таго, гэтыя жывёлы могуць жыць да 30 гадоў.
Такіх чарапах у Беларусі заўважаюць не ўпершыню. Іх бачылі ў рацэ Свіслач, у сажалцы Батанічнага саду, а таксама ў Сожы, Нёмане і іншых вадаёмах. Некаторыя асобіны здольныя перажыць зіму, аднак многія не вытрымліваюць халадоў.
Чырвонавухая чарапаха лічыцца інвазіўным відам і занесена ў «Чорную кнігу інвазіўных відаў жывёл Беларусі». Спецыялісты адзначаюць, што такія жывёлы могуць уплываць на мясцовыя экасістэмы, хоць ступень гэтай пагрозы ацэньваецца як невысокая.
Тым часам аналагічныя чарапахі ўсё яшчэ трапляюць у продаж: напрыклад, на Барахолцы Onliner зараз прапануюць «вельмі мілую» трохгадовую асобіну «за сімвалічную суму».
Што рабіць, калі ўбачыў такую чарапаху ў вадаёме?
Забіраць чырванавухіх чарапах з вадаёма не трэба, паколькі сур'ёзнай шкоды ад іх пакуль няма.
— Як паступіць? Пагрозы такая чарапаха пакуль не нясе. Адна-дзве такія асобіны ў гарадскім вадаёме ў пэўнай ступені нават упрыгожваюць яго. Так што я б асабліва не турбаваўся. Але калі ўзнікаюць пытанні, тэлефануйце нам у Акадэмію навук, у Мінскі заапарк альбо на біялагічны факультэт БДУ, дзе вам падкажуць, як паступіць, — расказваў Onlíner кандыдат біялагічных навук, вядучы навуковы супрацоўнік Навукова-практычнага цэнтра па біярэсурсах Нацыянальнай акадэміі навук Сяргей Драбенкаў.
-
Лукашэнка запатрабаваў ад міністра абароны вызначыць умацаваныя раёны, якія будуць занятыя на працягу сутак
-
Таксістка з Таджыкістана насмерць збіла беларуску ў Польшчы — і спакойна пакінула краіну
-
У Ізраілі, імаверна, затрымалі выкладчыка духоўнага вучылішча, які жанаты з маладзейшай за яго на 30 год студэнткай
Цяпер чытаюць
Таксістка з Таджыкістана насмерць збіла беларуску ў Польшчы — і спакойна пакінула краіну9
Каментары