Трамп прыгразіў вывесці частку войскаў з Германіі пасля крытыкі Мерцам вайны ў Іране
ЗША вывучаюць магчымасць скарачэння колькасці свайго ваеннага кантынгенту ў Германіі, заявіў Дональд Трамп. «Адпаведнае рашэнне будзе прынята ў бліжэйшы час», — напісаў кіраўнік Белага дома ў сацсетцы Truth Social.
У Германіі размешчаны найбуйнейшы кантынгент амерыканскіх войскаў у Еўропе — больш за 36 тысяч чалавек. Усяго ж на еўрапейскіх базах знаходзіцца крыху больш за 68 тысяч вайскоўцаў ЗША.
Раней высокапастаўлены чыноўнік Белага дома паведамляў Reuters, што Трамп абмяркоўваў магчымасць вываду часткі амерыканскіх войскаў з Еўропы, але канкрэтныя краіны не называліся.
Заява Трампа пра магчымы вывад амерыканскага кантынгенту з Германіі з’явілася пасля крытыкі Фрыдрыха Мерца вайны супраць Ірана. Паводле яго слоў, ваенны канфлікт мае «маштабныя наступствы для эканамічнай дзеяздольнасці» Германіі. Пры гэтым у Вашынгтона няма «стратэгіі выхаду» з яго, а падчас перамоваў з Тэгеранам амерыканскі бок «зневажаецца».
У адказ Трамп напісаў, што канцлер Германіі «не разумее, пра што гаворыць», калі лічыць дапушчальным з’яўленне ядзернай зброі ў Ірана.
«Я зараз раблю ў дачыненні да Ірана тое, што іншыя краіны або прэзідэнты павінны былі зрабіць ужо даўно. Нядзіўна, што Германія так дрэнна спраўляецца ў эканоміцы і ў цэлым», — адзначыў кіраўнік Белага дома.
-
У Гданьску кіроўца аўтобуса з Беларусі і рабочы верфі з Украіны выратавалі пажылую пару ад нападніка
-
Латвія прапусціла аўтамабілі з нейтральнай паласы, але лёс мяжы з Беларуссю пакуль нявызначаны
-
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек
Цяпер чытаюць
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек33
Каментары