Урад гатовы прыватызаваць частку дзяржуласнасці, але інвестары не рвуцца.
Беларусь гатова аднавіць перамовы аб продажы акцый дзяржкампаніі «Нафтан», якая аб’ядноўвае Наваполацкі НПЗ і нафтахімічную прадпрыемства «Палімір», заявіў першы
Найбольш верагодныя прэтэндэнты на набыццё «Нафтана» — расійскія нафтавыя кампаніі,бо сто працэнтаў нафты Беларусь атрымоўвае з Расіі па зніжаных цэнах. Але расійскія гіганты «Лукойл» і «Газпромнефть» заявілі, што кампаніі не вядуць перамоваў аб набыцці НПЗ у Беларусі, паведамляе агенцтва Argus. Атрымаць каментар «Раснафты» па гэтым пытанні агенцтву не ўдалося.
Аналагічная сітуацыя і з продажам дзяржаўнай долі ў тэлефонным аператары МТС.Урад хоча за яе мінімум мільярд даляраў, аднак вось ужо два гады як ахвотных на такую цану не знаходзіцца. Аляксандр Лукашэнка заяўляў і пра гатоўнасць прадаць 15–20%-ы пакет акцый у самым прыбытковым прадпрыемстве Беларусі — «Беларуськаліі», сыходзячы з кошту ўсёй кампаніі 30–35 мільярдаў даляраў. Перамовы таксама ідуць, прынамсі, ад 2010 года, і таксама без выніку.
Як выглядае, цэны, запрошаныя беларускім урадам, завысокія.Можа быць, паказчыкі прыбытку гэтых кампаній і выводзяць на цэны, якія выстаўляе ўрад. Але інвестары робяць скідку для краіны з непрадказальным палітычным рэжымам і без незалежнай судовай сістэмы.
Каментары