Babulka, stralaj jašče! Tolki biaz hetaha režysera!..
Vaŭki-vaŭkałaki / Nośbity skury (Skinwalkers)
ZŠA, 2006, kalarovy, 110 chv.
Režyser: Džejmz Ajsak
Roli vykonvajuć: Džejsan Ber, Elias Koteas, Rona Mitra, Kim Koŭts, Nataśsija Malte, Mećju Najt, Sara Karter, Tom Džeksan
Žanr: Vaŭkałačny film žachaŭ
Adznaka: 1,5 (z 10)
Cimaci, jakomu nieŭzabavie budzie 13 hod, moža pakłaści kaniec praklonu, što visić nad jahonym rodam. Usie svajaki chłopčyka, za vyniatkam maci, vaŭkałaki, jakija marać pazbavicca svajoj źviarynaj isnaści. Ale druhaja hrupoŭka vaŭkałakaŭ nie žadaje, kab praroctva ździejśniłasia. Jany pieraśledujuć siamju hieroja, kab zabić dzicia i bieź pieraškodaŭ hubić ludziej…
Džejmz Ajsak ("Džejsan Ch") - vučań i supracoŭnik Dejvida Kronenberha. Ale "Vaŭki-vaŭkałaki" – niaŭciamny treš, jaki vypadkova trapiŭ na vialiki ekran. Duracki siužet z błahoj aktorskaj hulnioj i meladramnym tataj-sabakam (!), panakradzienyja štampy z čužych filmaŭ. I, što zusim haniebna, nizkajakasny hrym - kali vaŭkałaki nahadvajuć padfarbavanych haryłaŭ (a kaliści Ajsak rabiŭ admysłovyja efekty dla "Ekzystencyi"...)
Vaŭkałaki nia stolki kusajucca, kolki haniajuć na matacykłach (ciažkija nastupsty “Bieskłapotnaha jezdaka”), ichniaja zbroja nia ikły, a revalvery (!), a stralanina ŭ miastečku – paklop na šmatlikija vesterny. Babulka-vaŭkałačycha z nahanam (!!), jakuju nijak nie zabjuć (!!!), mahła by stać hierainiaj kultavaha kino, ale Džejmz Ajsak dla hetaha zanadta surjozny.
Babulka, stralaj jašče! Tolki biaz hetaha režysera!!...
Kronenberh, i čamu vy nie dahladzieli za vučniem?
Ciapier čytajuć
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?1
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary