Ihar Voŭčak pradstaviŭ ukraincam svaju animacyju
Z 25 vieraśnia pa 6 kastryčnika na Ŭkrainie adbyŭsia ChIV Mižnarodny kinafestyval animacyjnnych filmaŭ “KROK”. U miežach festu prajšła tvorčaja viečaryna biełaruskaha režysera Ihara Voŭčaka.
Ihar Voŭčak, jaki ŭ 1970 atrymaŭ dyplom Biełaruskaj kanservatoryi, pisaŭ muzyku da mulfilmaŭ. Animacyja tak zachapiła jaho, što jon pastupiŭ na Vyšejšyja režyserskija kursy ŭ Maskvie – i na pačatku 80-ych staŭsia kinarežyseram.
Ihar Voŭčak – aŭtar animacyjnych stužak “Pra Jahora, pra varonu” – pra durnoha cara j chitruju varonu; “Na zołku ŭ dvary” (1985) – pra pieŭnika, jaki nabyŭ ułasny hołas; “Skoź šery kamień" (1987) – pra revalucyjanera Kibalčyča; “Jak lisa vaŭka sudziła” (1989) – kazka pra źviaroŭ.
“Kapryčya” (1986), “Kančerta Hrosa” (1988), “Skierca” (1994) – filazofskaja trylohija pra sens žyćcia j čałaviečy los. A film “Niachaj žyvie svaboda!” (1995) – raspaviadaje pra svabodu čałavieka j niesvabodu ŭsiemahutnaha džyna. U stužcy “Pastaral” (1998) rybak šukaje svajo ščaście, a “Apovieść minułych hadoŭ” (2007) havoryć pra historyju hierba Bieraścia.
Ciapier Ihar Voŭčak pracuje nad cyklam multfilmaŭ pra Nieścierku. Pieršaja častka “Jak Nieścierka znajšoŭ skarb” stvorany ŭ 2003 hodzie, druhaja “Jak Nieścierka na kirmaš źbiraŭsia” – u 2005 hodzie. Režyser stvaraje praciah pryhodaŭ biełaruskaha nacyjanalnaha hieroja.
Ihar Voŭčak – adzin z sama cikavych biełaruskich kinamajstroŭ. Ukraincy jahonyja tvory pabačyli.
Na žal, u našych kinateatrach tvory Voŭčaka, jak i tvory inšych biełaruskich animataraŭ, nie pradstaŭleny. A biełaruskaja televizija ajčynnuju animacyju pakazvaje vielmi redka.
Składziena pavodle pres-relizu “Biełaruśfilma".
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek33
Kamientary