U Aŭstralii viarnuli knihu ŭ biblijateku praz 150 hadoŭ paśla taho, jak jaje adtul uziali
Vydańnie pad nazvaj The Antiquities of Athens («Staražytnaści Afinaŭ») było znojdziena padčas ramontu staroha doma ŭ horadzie Kijama na paŭdniovym uźbiarežžy štata Novy Paŭdniovy Uels. Siamja, jakaja zajmałasia rekanstrukcyjaj budynka, znajšła knihu ŭ dymavym korabie kamina, piša vydańnie abc.net.au.
Kiraŭnica biblijateki Kijamy Mišel Chadsan raskazała, što ŭładalniki doma nie viedajuć, jak kniha tudy trapiła, ale vyrašyli pieradać jaje nazad biblijatecy, bo ličyli vydańnie kaštoŭnym.
Niahledziačy na niekatoryja paškodžańni, kniha zachavałasia ŭ dobrym stanie. Unutry jaje zastałasia piačatka biblijateki, a taksama staryja praviły karystańnia: čas pracy, umovy vydačy knih i suma štrafu za praterminoŭku.
Pavodle padlikaŭ supracoŭnikaŭ biblijateki, kali b dziejničaŭ stary štraf — try piensy za kožny tydzień praterminoŭki — suma doŭhu za 150 hadoŭ skłała b kala 28 tysiač aŭstralijskich dalaraŭ (kala 19,6 tysiačy dalaraŭ ZŠA) z ulikam inflacyi. Adnak ciapier biblijateka štrafy za niesvoječasovaje viartańnie knih nie spahaniaje.
Viernutaje vydańnie było nadrukavana ŭ 1858 hodzie i źmiaščaje kala 70 čorna-biełych ilustracyj, u tym liku staronki ź vialikimi razvarotnymi schiemami.
Hetu knihu bolš nie buduć vydavać čytačam. Jaje pieradaduć u śpiecyjalnuju histaryčnuju kalekcyju biblijateki, dzie jana budzie zachoŭvacca ŭ śpiecyjalnaj archiŭnaj skryncy.
U Mirskim zamku adnavili italjanski sad XVIII stahodździa. Jon adkryjecca ŭžo ŭ vieraśni
Na dachu Nacyjanalnaj biblijateki zładzili viečarynu ź vidam na Minsk. Voś jak heta było ŠMAT FOTA
70‑hadovy piensijanier vydaŭ svoj pieršy raman sam. «Tea z Hołdena» staŭ biestseleram
U Hiermanii ŭ adnoj sa starych knih niespadziavana znajšli darčy nadpis Albierta Ejnštejna
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5959
Kamientary