Nadyšoŭ momant, kali ŭkrainskaje dziaržava pavinna pačać dziejničać rašuča, zajaviŭ staršynia Savieta ministraŭ Polščy Donald Tusk, kamientujučy pačatak praviadzieńnia antyterarystyčnaj apieracyi na ŭschodzie Ukrainy.
«Ukraincy raniej dziejničali racyjanalna, choć i nie viedaju, jak jany vyznačyli sabie miažu ŭstrymańnia ad vostraj reakcyi. Adnak mnie zdajecca, nadyšoŭ momant, kali ŭkrainskaje dziaržava pavinna dziejničać rašuča, kab pakazać, što nie ŭsprymaje takoha rodu dziejańniaŭ», — zajaviŭ Tusk.
Jon adznačyŭ, što zhodny z pazicyjaj ŭkrainskaj ułady adnosna «ŭsprymańnie sieparatystaŭ na ŭschodzie Ukrainy jak terarystaŭ».
«Pucin zatrymajecca tam, dzie dazvolić Ukraina. Tamu Kijeŭ maje ŭziać spravy ŭ svaje ruki i sam vyrašać, kali pačnie zmahacca za terytaryjalnuju cełasnaść krainy i jakija srodki jon budzie vykarystoŭvać», — padkreśliŭ kiraŭnik polskaha ŭrada.
Pavodle jaho, nijakaja treci bok nie budzie bolš pryciahvacca da abarony Ukrainy, čym heta zrobiać sami ŭkraincy.
«Nie treba čakać, što ZŠA ci Francyja buduć zadziejničany ŭ abaronie Ukrainy bolš za jaje samu», — ličyć Tusk.
Jon dadaŭ, što nichto nie choča pakinuć biez pakarańnia prezidenta Rasii Uładzimira Pucina, ale i nichto nie choča šyrokamaštabnaha kanfliktu.
Tusk vykazaŭ mierkavańnie, što dziejańni Ukrainy ŭ Krymie biez adzinaha strełu zaraz stanuć «mocnaj pieramoŭnaj kartaj» ŭkrainskaha ŭrada.
«U vačach mižnarodnaj supolnaści Ukraina stała krainaj, jakaja zrabiła ŭsio mahčymaje, kab paźbiehnuć kanfliktu», — kanstatavaŭ kiraŭnik polskaha ŭrada.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie63
Kamientary