Litoŭcy na refierendumie vyrašajuć, ci pradavać ziamlu zamiežnikam
U Litvie ŭ niadzielu prachodzić refierendum ab zabaronie na prodaž ziamli zamiežnikam.
Hałasavańnie na refierendumie pačałosia a 7-j i skončycca a 20-j hadzinie. U śpisy ŭniesiena 2 młn. 532 tys. 355 vybarščykaŭ.
Siejm Litvy abviaściŭ refierendum ab uniasieńni papravak da Kanstytucyi paśla taho, jak było sabrana 300 tys. podpisaŭ u padtrymku jaho praviadzieńnia.
Refierendum budzie ličycca ździejśnienym, kali ŭ im voźmuć udzieł bolš za pałovu hramadzian, jakija majuć prava hołasu i uklučanyja u śpisy vybarščykaŭ.
Bolšaść ekśpiertaŭ miarkuje, što jaŭka budzie nižej.
Nichto z kiraŭnikoŭ krainy nie vykazaŭ padtrymku inicyjataram refierendumu.
Prezident Dala Hrybaŭskajte nie raskryła, kali prahałasuje na refierendumie ab prodažy ziamli zamiežnikam, ale skazała, što vyjavić svaju volu. Padčas vybaraŭ pra čas i miesca hałasavańnia kiraŭnika krainy zvyčajna paviedamlajecca zahadzia. Paśla hałasavańnia zvyčajna dajucca kamientary dla ŚMI.
Premjer Alhirdas Butkiavičus skazaŭ, što pryjšoŭ hałasavać, bo chacieŭ vykanać svoj hramadzianski abaviazak, choć i ličyć, što refierendum nie adbudziecca, pakolki hałasavać nie pryjdzie vialikaja častka hramadzian.
«Ja vykonvaju svoj hramadzianski abaviazak. Usio ž było sabrana 300.000 podpisaŭ hramadzian», — skazaŭ Butkiavičus.
Inicyjatary refierendumu abvinavačvajuć ułady i partyi ŭ tym, što tyja zapałochali ludziej, tamu i nie raźličvajuć na vysokuju jaŭku na refierendumie.
«Niekatoryja partyi zapałochvali svaich členaŭ, patrabujučy, kab jany nie chadzili hałasavać. Jak viadoma, i palicyja pačała rasśledavańni ŭ dačynieńni da tych, chto padpisaŭsia za refierendum. Pahladzim, spałochalisia ludzi ci nie», — raspavioŭ kiraŭnik Sajuza narodnikaŭ, jaki padtrymlivaje refierendum, Julus Panka.
Ciapier čytajuć
Siarhiej Cichanoŭski zapuściŭ svoj jutub-kanał ź vieršami i kazkami36
Kamientary