U sacsietkach štodnia źjaŭlajucca dziasiatki fotazdymkaŭ z poŭnymi košykami.
Jakija hryby lezuć?
Hrybniki z Łahojskaha, Lidskaha i Bresckaha rajonaŭ pišuć, što prakinulisia lisički.
Kala Sucina (Puchavicki r-n), pišuć, «lisičak ćma», a pad Łahojskam siamja za niekalki hadzin sabrała 58 kiłahramaŭ.
Pieršyja baraviki pakazalisia ŭ Lidskim i Dokšyckim rajonach, pamiž stancyjami Praleski i Viazynka pad Minskam i ŭ Kličaŭskim rajonie. U vakolicach Varapajeva na Viciebščynie hrybniki kažuć, što ŭžo pajšli i čyrvonahałoviki.
Ale ŭsio pakul nieraŭnamierna i miescami. U adnych lasach košyki napaŭniajucca za paru hadzin, u druhich za toj ža čas nabiareš žmieńku na sup.
A pa čym hryby na rynkach i sajtach?
Za piacilitrovaje viadro lisičak pradaŭcy prosiać kala 25 rubloŭ, za dziesiacilitrovaje — kala 50 rubloŭ.
Jość ludzi, jakija štodnia pakazvajuć svaje znachodki i dzielacca paradami.
Niekatoryja biełarusy praz sacsietki znachodziać kampaniju dla pajezdak u les. Adna z karystalnic Threads šukała čałavieka z aŭtamabilem, kab razam pajechać u hryby, ale ŭ vyniku vakoł hetaj idei ŭtvaryŭsia ceły čat. A hetyja ludzi pajechali razam, a paśla zładzili piknik.
Tamada i šansańje z Barysava Alaksandr Čorny vykłaŭ rolik z pachodu ŭ hryby ŭ vyšyvancy i zaadno pakinuŭ u im svoj kantaktny numar — raźličvaje, što hryby dapamohuć jamu znajści novych klijentaŭ.
Hryby pajšli i ŭ miaścinach, dzie žyvuć biełarusy Litvy i Polščy.
Biełaruski piśmieńnik z Padlašša Michał Andrasiuk padzialiŭsia fotazdymkami baravikoŭ. Praŭda, adzin sa zdymkaŭ — palana, husta ŭsypanaja baravikami, — vyklikaŭ sprečki ŭ kamientaryjach. Niekatoryja karystalniki zapadozryli, što kadr stvorany štučnym intelektam. Aŭtar pažartavaŭ: «Kali takaja palana dzieści sapraŭdy isnuje, to niachaj jaje znojdzie nie chto inšy, jak tolki Michał».
Navat brendy ŭklučylisia
Hrybny siezon nie abminuli i kampanii. Hrodzienski «Hrodfud» apublikavaŭ u sacsietkach košyk ź lisičkami, nož i banku svajoj tušonki z podpisam: «Cichaje palavańnie. Ź lohkim pierakusam».
Ale hałoŭnaje praviła sapraŭdnaha hrybnika zastajecca niaźmiennym: pakazać poŭny košyk možna, a voś raskazać pra miesca ich zboru — nikoli.
Ciapier čytajuć
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary