Pucin zabaraniŭ uvoz charčavańnia z Zachadu. Biełaruskich ahrarnikaŭ čakajuć załatyja časy
Pucin zabaraniŭ uvoz sielskahaspadarčaj syraviny i charčavańnia z krain, jakija ŭviali sankcyi suprać Rasiei, terminam na hod. Pra heta paviedamlajecca na sajcie ŭrada RF.
Paviedamlajecca, što Uładzimir Pucin zabaraniŭ ŭvoz u Rasiju sielskahaspadarčaj pradukcyi, syraviny i praduktaŭ charčavańnia z usich krain, jakija da hetaha ŭviali sankcyi suprać Rasiei z-za situacyi va Ukrainie.
Adnačasova prezident RF daručyŭ uradu prapracavać miery, jakija dazvolać nie dapuścić rostu cenaŭ na hetyja tavary.
Taksama ŭ paviedamleńni Kramla adznačajecca, što hadavy termin dziejańnia zabarony moža być pierahledžany.
Sankcyi suprać Rasiei raniej uviali ZŠA, Kanada, krainy Jeŭrasajuza, Japonija i Aŭstralija.
Rasija całkam zabiaśpiečvaje siabie zbožžam, ale daloka nie zabiaśpiečvaje siabie małakom i małočkaj, miasam, sadavinaj, harodninaj i navat bulbaj. Spynieńnie impartu z Zachadu vykliča rost cenaŭ na rasijskim rynku. Heta buduć załatyja časy dla sielskaj haspadarki Biełarusi, Kitaja, Turcyi, jakija stanuć asnoŭnymi pastaŭščykami miasa, małaka i bulby na rasijski rynak.
U svoj čas SSSR nie zabiaśpiečvaŭ siabie praduktami charčavańnia, i embarha na pastaŭki zbožža, uviedzienaje Zachadam, było adnoj z pryčyn padzieńnia «impieryi zła».
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary