Пуцін забараніў увоз харчавання з Захаду. Беларускіх аграрнікаў чакаюць залатыя часы
Пуцін забараніў увоз сельскагаспадарчай сыравіны і харчавання з краін, якія ўвялі санкцыі супраць Расеі, тэрмінам на год. Пра гэта паведамляецца на сайце ўрада РФ.
Паведамляецца, што Уладзімір Пуцін забараніў ўвоз у Расію сельскагаспадарчай прадукцыі, сыравіны і прадуктаў харчавання з усіх краін, якія да гэтага ўвялі санкцыі супраць Расеі з-за сітуацыі ва Украіне.
Адначасова прэзідэнт РФ даручыў ураду прапрацаваць меры, якія дазволяць не дапусціць росту цэнаў на гэтыя тавары.
Таксама ў паведамленні Крамля адзначаецца, што гадавы тэрмін дзеяння забароны можа быць перагледжаны.
Санкцыі супраць Расеі раней увялі ЗША, Канада, краіны Еўрасаюза, Японія і Аўстралія.
Расія цалкам забяспечвае сябе збожжам, але далёка не забяспечвае сябе малаком і малочкай, мясам, садавінай, гароднінай і нават бульбай. Спыненне імпарту з Захаду выкліча рост цэнаў на расійскім рынку. Гэта будуць залатыя часы для сельскай гаспадаркі Беларусі, Кітая, Турцыі, якія стануць асноўнымі пастаўшчыкамі мяса, малака і бульбы на расійскі рынак.
У свой час СССР не забяспечваў сябе прадуктамі харчавання, і эмбарга на пастаўкі збожжа, уведзенае Захадам, было адной з прычын падзення «імперыі зла».
-
«Арменія — гэта ўжо не абрабаваная вамі і вашымі партнёрамі краіна». Пашынян рашуча адказаў Лукашэнку
-
У праваслаўнай парафіі на поўдні Польшчы царкоўная ўрачыстасць ператварылася ва ўслаўленне Расіі. З пратэстам выступілі лемкі
-
Трамп заявіў, што з Іранам яго задаволіць толькі «ідэальная здзелка». А проста добрую ён мог бы заключыць проста зараз
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары