Alaksandr Łukašenka vyzvaliŭ ad pasady Natallu Piatkievič «pa pahadnieńni bakoŭ»
Alaksandr Łukašenka svaim rasparadžeńniem vyzvaliŭ Natallu Piatkievič ad pasady pamočnika prezidenta. Jana vyzvalenaja ad pasady z najradčejšaj dla prezidentury farmuloŭkaj «pa pahadnieńni bakoŭ».
Natalla Piatkievič skončyła jurfak BDU (1994), pracavała ŭ Administracyi prezidenta. U 2001—2004 była pres-sakratarkaj Alaksandra Łukašenki. Paśla jana była namieśnicaj i pieršaj namieśnicaj kiraŭnika Administracyi prezidenta.
Z 2011 pracavała pamočnicaj Alaksandra Łukašenki — pasada vyklučna blizkaja.
Ź joj źviazany šerah skandałaŭ. Jana publična svaryłasia z tahačasnym kiraŭnikom Biełteleradyjokampanii Alaksandram Zimoŭskim. Heta praź jaje, mahčyma, źviazvaŭsia z Łukašenkam prankier Vavan — pad vyhladam syna Janukoviča. Narešcie, heta joj prypisvali ideju razyhryvańnia antypolskaj karty pierad vybarami 2006 hoda.
Urešcie, joj prypisvali žanočyja čary i luboŭ da intryhi, a taksama supiernictva z Uładzimiram Makiejem, tahačasnym kiraŭnikom Administracyi.
Jaje pieršy muž pracavaŭ u chlebnych łaterejach. Jaje druhi muž, Alaksandr Martynienka, byŭ namieśnikam kiraŭnika Biełteleradyjokampanii, a paśla — na niapylnaj pasadzie pres-sakratara Biełahraprambanka.
Farmuloŭka, ź jakoj jana sychodzić, nie pakidaje joj šancaŭ na viartańnie ŭ Administracyju. Ale i pasadka z takoj farmuloŭkaj nie pahražaje. Natalla Piatkievič, takim čynam, moža znajści siabie ŭ biznesie. Joj zastajecca dom u Drazdach i šmatlikija ŭspaminy.
Apytanka
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu12
Kamientary