Dyrektar teatra opiery i baleta: Nie vyklučaju, moža, bałhary abo ukraincy buduć śpiavać na konkursie ŭ Minsku pa-biełarusku
U Biełarusi pakul nie źjaŭlajucca tvory, pavodle jakich było b cikava stavić śpiektakli, zajaviŭ na pres-kanfierencyi 17 listapada ŭ Minsku dyrektar Nacyjanalnaha akademičnaha Vialikaha teatra opiery i baleta Uładzimir Hrydziuška.
Hetu temu dyrektar zakranuŭ, adkazvajučy na pytańnie ab tym, čamu na mižnarodnym Kaladnym opiernym forumie letaś u Minsku amal nie hučała biełaruskaja mova.
Pavodle słoŭ Hrydziuški, «nacyjanalny status teatra praduhledžvaje najaŭnaść u siońniašnim repiertuary samych znakavych tvoraŭ zamiežnaj, ruskaj kłasiki». «I, biezumoŭna, biełaruskaj kłasiki, jana była, jość i budzie pry ŭmovie, kali buduć pisać kampazitary, kali buduć libretysty, jakija buduć razhladać heta pytańnie taksama», — skazaŭ jon.
«Kali štości novaje źjavicca, značyć, budziem pisać, rabić, asensoŭvać. Jość u nas i «Sivaja lehienda» pavodle Karatkieviča, jość i «Dzikaje palavańnie karala Stacha», a bolš, na žal, niama. Pakul nie było ničoha takoha, što vyklikała b vialikuju cikavaść i ŭ nas, i ŭ pastanoŭščykaŭ, i ŭ hledačoŭ. Źjavicca štości — stvorym.
Voś źjaviłasia vydatnaja muzyka Uładzimira Kuźniacova, i stvaryŭsia balet «Vitaŭt». Jość vielmi šykoŭnaja muzyka Hlebava — chutka źjavicca balet «Maleńki prync», u chutkim časie na mastackim saviecie my razhledzim sceničnaje vyrašeńnie hetaha śpiektakla».
Hrydziuška padkreśliŭ, što teatr pravodzić šmat inšych mierapryjemstvaŭ, na jakija zaprašajucca salisty — vychadcy ź Biełarusi, jakija časta «śpiavajuć na biełaruskaj movie ŭ tym liku».
«U kožnaha jość prava śpiavać na toj movie, na jakoj jon žadaje. Hvałtam my zajmacca nie budziem, kali b tak adbyłosia, my b ničoha nie atrymali, akramia jak adarvańnia ad našaha teatra i mastactva»,
— ličyć jon.
Pavodle ŭmoŭ majučaha adbycca konkursu vakalistaŭ, jaki ŭpieršyniu projdzie ŭ miežach V Minskaha mižnarodnaha Kaladnaha opiernaha forumu, skazaŭ dyrektar teatra, udzielniki volnyja vybrać, na jakoj z troch moŭ im vykonvać tvory: biełaruskaj, ruskaj ci italjanskaj.
«Chto jakuju movu vybiare, na takoj i budzie śpiavać. Ja nie vyklučaju taho, što chtości z našych partnioraŭ za miažoj budzie śpiavać na biełaruskaj movie. Moža być, heta buduć bałhary, moža, ukraincy, u lubym vypadku, umovy konkursu heta rabić dazvalajuć»,
— skazaŭ Hrydziuška.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
60‑hadovaja pjanaja biełaruska pieratvaryła palot z Paryža ŭ Vilniu ŭ kašmar3
Kamientary