Rejs «Biełavija» ź Minska ŭ Antalju ekstranna pryziamlaŭsia ŭ Saratavie
Samalot avijakampanii «Biełavija», jaki lacieŭ ź Minska ŭ tureckuju Antalju, byŭ vymušany zrabić ekstrannuju pasadku ŭ rasijskim Saratavie z-za taho, što dvum pasažyram stała drenna padčas palotu. Jak daviedałasia vydańnie «Lusterka», incydent adbyŭsia 6 vieraśnia.
Pavodle danych servisu Flightradar, samalot Boeing 737‑500 (EW-290PA) adchiliŭsia ad maršrutu i pryziamliŭsia ŭ sarataŭskim aeraporcie «Haharyn».
Jak paviedamlaje telehram-kanał Aviaincident, kala 4:50 ekipaž paviedamiŭ dyśpietčaram pra prablemu na borcie i praź niekalki chvilin pryniaŭ rašeńnie zrabić pasadku. Pa prybyćci samalot zapytaŭ chutkuju dapamohu. Miedyki ahledzieli adnaho z pasažyraŭ i nakiravali jaho ŭ balnicu.
Prykładna praz 30 chvilin paśla pasadki samalot praciahnuŭ palot u Antalju, dzie paśpiachova pryziamliŭsia.
Cikava, što za try dni da hetaha na tym ža samalocie adbyŭsia anałahičny vypadak: padčas rejsa ź Minska ŭ Jehipiet (El-Ałamiejn) samalot taksama byŭ vymušany pryziamlicca ŭ Damadziedavie praz chvarobu adnaho z pasažyraŭ.
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj46
Kamientary