Vialiki kancertny tur chip-chopierki Mejbi Bejbi pad pahrozaj zryvu
Viktoryju Łysiuk unieśli ŭ śpis niepažadanych artystaŭ.
Artystku abvinavačvajuć u prapahandzie ŁHBT i niehatyŭnym ŭpłyvie na moładź, piša Mash.
Tur Viktoryi pa haradach pačynajecca 2 listapada z kancerta ŭ Maskvie. Potym — Sibir, Urał, Sankt-Pieciarburh, Kazań, poŭdzień Rasii i hetak dalej. Usiaho 32 vystupleńni za dva miesiacy ź pierśpiektyvaj zarabić ad 20 da 30 młn rasijskich rubloŭ za tur. I ŭsio heta moža sarvacca.
Pavodle infarmacyi vydańnia, vykanaŭcu chita «Pachrukaj» unieśli ŭ tak zvany śpis niepažadanych u RF artystaŭ — papierku, jakaja rehularna abnaŭlajecca i rassyłajecca dziaržaŭnym ustanovam i arhanizacyjam Rasii, što źviazanyja z kulturaj. Pryčyna zabarony — papiarednie, zafiksavanaja prapahanda ŁHBT u trekach i niehatyŭny ŭpłyŭ na moładź. Nastupstva — zabarona na źjaŭleńnie artysta na haradskich fiestyvalach, kancertach i bujnych iventach.
Žurnalisty patelefanavali na placoŭki pieršych 10 haradoŭ tura — pra zabaronu na Viktoryju tam nichto nie čuŭ i pra admienu kancertaŭ pakul navat nie dumajuć. Placoŭki čakajuć rasparadžeńnia ad miascovaj administracyi. Sama Mejbi z hetaj nahody ničoha nie kaža — pradziusar, kancertny dyrektar i mieniedžar nie adkazvajuć na zvanki.
Viktoryja Łysiuk — biełaruska. Jana naradziłasia ŭ Žabincy ŭ 1995 hodzie, čym hanarycca. Była ŭdzielnicaj rasijskaha hurta «Frendzona». Niekalki miesiacaŭ tamu ŭ jaje byŭ batł ź Instasamkaj. «Ty začapiła maju radzimu — i heta podła», — začytała Mejbi Bejbi biełaruskamoŭny rep. Moładź masava zdymała pad jaho tyktoki.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ6
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1313
Kamientary