Jaje ŭdzielniki sabralisia na Kastryčnickaj, prajšli praspektam da Kaściołu śv. Symona i Aleny. U akcyi ŭziali ŭdzieł bolš za paŭtysiačy čałaviek.
19:36 Udzielniki akcyi ŭskłali kvietki da skulptury Jezusa. Akcyja skančajecca.
Pavodle niepravieranych źviestak, zatrymańni padčas akcyi pamiaci Iryny Kazulinaj u Maskvie. Zatrymany, mahčyma, Jury Alejnik. Jon smskaj paviedamiŭ pra zatrymańni. Ale niajasna, ci jon sam zatrymany ci niechta inšy.
19.25 Kuratar ŭ spartovych štanach prosić aperataraŭ BT zdymać tych, chto staić la kaścioła na hazonach i na łaŭkach.
19:22. Leanid Akałovič molicca za supakoj dušy Iryny Kazulinaj. Z katalickich śviataroŭ pobač nikoha niama.
19:17 Udzielniki šeścia dajšli da Čyrvonaha kaściołu, stajać na prystupkach pierad chramam. Da ich źviartajecca h.zv. śviatar Biełaruskaj aŭtakiefalnaj narodnaj pravasłaŭnaj carkvy Leanid Akałovič.
19:12 Aŭtazak zajechaŭ u dvary za Čyrvonym kaściołam.
19:03 La kaściołu stajać niekalki čałaviek (u tym liku i žurnalisty) z kvietkami. Adna para z kvietkami zajšła ŭ kaścioł. La chramu staić taksama aŭtobus z tanavanym škłom. Chodziać ludzi z racyjami. Žurnalisty kažuć, što heta tyja samyja ludzi, što byli paŭhadziny tamu la Kastryčnickaj płoščy.
18:58 Ludzi dajšli da budynku KDB. Na suprać jakoha razharnuli raściažku "Svabodu Kazulinu". U šeści ŭdzielničaje kala 350-400 čałaviek. Milicyja ŭ spravy nia ŭmiešvajecca.
18:44 Ludzi rušyli ŭ bok Kaściełu, choć truny ź ciełam Iryny Kazulinaj tam niama. Pa chodnikach uzdoŭž praspektu idzie kala 300-350 čałaviek.
18:37 U centry Płoščy sa śviečak ludzi vykłali kryž. Mašyny, što prajaždžajuć ima praspektam, syhnalać. Tyja, chto sabraŭsia na Płoščy, źbirajucca iści da Čyrvonaha kaściołu.
18:31 Uzdoŭž praspektu razharnuli vialikuju raściažku -- čornuju ź biełymi litarami -- "Svabodu Kazulinu".
18:28 Zaraz na Płoščy kala 500 čałaviek, ale pacichu, praz kiepskaje nadvorje i doždž, pačynajuć razychodzicca.
18:25 Tym časam tych, chto z supraćlehłaha boku praspektu sprabuje sfatahravać padziei na Płoščy, adhaniajuć bok i patrabujuć akredytacyju. Heta tyčycca navat tych, chto zdymaje na amatarskija kamery. Niekatorym navat prapanujuć prajechacca ŭ pastarunak, praŭda, za taptańnie hazonaŭ.
18:20 Zaraz na płoščy kala 350 čałaviek. Vystupiŭ Ihar Rynkievič, jaki zaklikaŭ źviartacca da mitrapalita Fiłareta i mitrapalita Tadevuša Kandrusieviča, kab tyja źviarnulisia da Łukašenki ŭ spravie vyzvaleńnia Kazulina na čas pachavańnia žonki.
Jon taksama zajaviŭ, što mitynhu ŭ padtrymku Kazulinych buduć prachodzić štodnia na Kastryčnickaj a 18-j hadzinie.
Ludzi amal vyjšli na prajezžuju častku, jany stajać na bardziury ŭzdoŭž praspektu.
Na Płošču zaŭvažanyja pradprymalnik Aleś Taŭstyka, palityki Mikałaj Statkievič, Pavał Sieviaryniec, Alaksandar Milinkievič, palitolah Vital Silicki, hramadzkija aktyvisty Jaŭhien Afnahiel i Źmicier Barodka.
Tym časam milicyja niejak paspakajnieła i bolš nie zaklikaje razyścisia.
18:05 Ludzi stanoviacca ŭ łancuh. Zajmajuć amal pałovu płoščy. Amal usie trymajuć partrety Iryny Kazulinaj. U ludziej ŭ rukach śviečki i hvaździki.
Milicyja papiaredžvaje pra niesankcyjanavanaść akcyi i pra toje, što suprać jaje ŭdzielnikaŭ moža być užyta siła.
18:03 Źjavilisia na Płoščy dočki Kazulina ŭ čornych chustkach. Jany razdajuć partrety maci i śviečki.
Jany kažuć: "Jak by heta cynična nie hučała, ale my pakul adkładajem pachavańnie maci, pakul na pachavańnie nie adpuściać baćku". Pavodle ich słovaŭ, cieła maci było zabalzamavanaje.
Zaraz na Płoščy kala 150 čałaviek. Padciahnulisia maładafrontaŭcy: Fińkievič, Chviedaruk. Jość pradprymalniki. Naprykład, Aleś Makajeŭ.
***
Paŭsotni čałaviek na Kastryčnickaj — i staryja, i maładyja. Ale ich kolkaść pastajanna pavialičvajecca.
Stajać supracoŭniki PMSP. Jany napačatku praviarali torby. zaplečniki.
Ludzi pakul biez partretaŭ, idzie doždž. Pakul usio spakojna
Ciapier čytajuć
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija8
Kamientary