Abama uźniaŭ tost za skandynaŭskija nacyi na niezvyčajnym samicie ŭ Vašynhtonie
Prezident ZŠA Barak Abama uźniaŭ tost za Šviecyju, Narviehiju, Daniju, Finlandyju i Isłandyju na niezvyčajnaj zvanaj viačery ŭ Biełym Domie. Jana była arhanizavanaja z nahody samita ZŠA — Skandynavija, na jaki sabralisia kiraŭniki šaści dziaržaŭ.
Centralnaj temaj samita była abarona ad rasijskaj pahrozy.
Adnak samit staŭ dla Abamy nahodaj vykazać svajo daŭniaje zachapleńnie palitykaj skandynaŭskich krain — prahmatyčnaj i humanistyčnaj adnačasova.
Viačera była natchnionaja matyvami skandynaŭskaj kuchni. Padavali syry havajski tuniec, tamatny tartar i cialačyja rabrynki, piečanyja z čyrvonym vinom. Na viačeru sabraŭsia ćviet Halivuda i amierykanskaj kultury, a razam ź imi kiraŭniki pieradavych amierykanskich kampanij z top-500.
Na samicie Danija i Narviehija zajavili, što jany zrobiać svoj uniosak va «ŭzmocnienyja pieradavyja siły» NATA, a Abama skazaŭ: «My budziem padtrymlivać stały dyjałoh i šukać supracoŭnictva z Rasijaj, ale my chočam taksama być peŭnymi, što my padrychtavanyja i mocnyja, i my taksama chočam dabicca, kab vajskovaja aktyŭnaść Rasii zastavałasia ŭ poŭnaj adpaviednaści ź mižnarodnymi zabaviazańniami», — skazaŭ Abama paśla samita.
Piać skandynaŭskich krain razam, kali splusavać ź imi sajuznyja im krainy Bałtyi i Polšču, majuć kala 68 miljonaŭ nasielnictva. U Rasii — kala 140 miljonaŭ. Abjom ža ekanomik hetaj hrupy krain suvymierny z ekanomikaj Rasii. Narviehija maje vializny suvierenny hrašovy fond, a Šviecyja — raźvituju vajskovuju pramysłovaść. Polšča i Finlandyja majuć dośvied paśpiachovaj abarony ad Savieckaj Rasii ŭ XX st. Z usich hetych krain Šviecyja i Finlandyja nie ŭvachodziać u NATA, ale abmiarkoŭvajuć ideju dałučeńnia.
U abaronnym płanie samaje ŭraźlivaje miesca aljansa — Bałtyja, vuzkaja pałoska krain na bierazie Bałtyjskaha mora. U Estonii i asabliva Łatvii Maskva moža, akramia taho, raźličvać na svaju «piatuju kałonu». Kreml taksama finansuje ultrapravyja i ultralevyja partyi i asiarodki ŭ inšych krainach rehijona.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary