Sotni ludziej sabralisia na vystup Volskaha ŭ Sucharavie
Śpiavak vystupaŭ na plenery.
Najlepšyja momanty ŭ videarepartažy NN:
Kancert adbyvajecca na zialonym łuzie nasuprać handlovaha centra «Maksimus» na vulicy Sucharaŭskaj. Scenu ŭstalavali pad vialikaj jabłyniaj.
Publika sabrałasia samaja roznaja: maładyja, stałyja, siemji ź dziećmi. Pieravažna maładyja ŭsio ž. Ale tut ža i stary dziadok u vyšyvancy i sałamianym bryli. I znanaja jurystka Darja Katkoŭskaja sa svaim niemaŭlom, «sałodkaj bebaj», na rukach.
Ludzi trymajuć niekalki nacyjanalnych ściahoŭ. Na vakolnych placoŭkach niamała cicharoŭ, ale nijakich ekscesaŭ pakul nie było. Niepadalok stajać mašyny DAI.
Vystup adbyvajecca ŭ ramkach kampanii pa zbory podpisaŭ za kandydata Alesia Łahvinca. Tamu za plačyma Volskaha — transparant z nadpisam «Podpis za Łahvinca = podpis za niezaležnaść».
Sam kandydat u deputaty ad ruchu «Za svabodu» Aleś Łahviniec taksama prysutničaje. Jon apranuty ŭ ilniany harnitur i vyšyvanuju kašulu. Łahviniec vielmi zadavoleny kolkaściu ludziej, jakija sabralisia na imprezu, a taksama arhanizacyjaj mierapryjemstva. Jaho asabliva rasčulili ludzi z susiedniaha doma na Sucharaŭskaj, jakija dapamahli z techničnymi momantami ŭ arhanizacyi sustrečy. Jak paviedamiŭ Łahviniec «Našaj Nivie», na hety momant jon sabraŭ prykładna 1300 podpisaŭ.
Aktyvisty pa zbory podpisaŭ za Łahvinca adzietyja ŭ sakołki z nadpisam «siabra kamandy». Z navinak jašče — nacyjanalny ściah, dzie centralnaja pałasa vykananaja z čyrvonaha arnamientu.
Siarod prysutnych — televiadoŭca Juryj Žyhamont, jon viadzie imprezu. Mastak Aleś Puškin vystaviŭ svaje karciny. Knihar Aleś Kvitkievič dapamahaje ich pradavać. Siarod prysutnych — piśmieńnik Andrej Fiedarenka, były palitviazień Źmicier Kaśpiarovič, ekanamist Siarhiej Čały, śvieckaja dziva Valaryna Kustava, dziciačy doktar Źmicier Sałoškin sa svaimi dziećmi.
Ahułam kolkaść prysutnych pieravysiła tysiačy paŭtary.
Śpiavajuć choram i «Prostyja słovy», i «Haściej».
Apošniaj pieśniaj Volski vykanaŭ «Try čarapachi», «Pavietrany šar» paabiacaŭ nastupnym razam.
«Ty nie čakaj, čakańnie dastała!» — śpiavali sotni ludziej razam z Volskim. A paśla niekalki chvilin skandavali «Dziakuj!» i «Jašče!».
I jon zaśpiavaŭ «Čužy» i «Rolu hieroja». Tvar Lavona źmianiŭsia za apošnija miesiacy. Ale vočy radavalisia tamu, što tysiačy ludziej hatovy jechać u Sucharava, kab słuchać jaho.
«Z Dniom Niezaležnaści», — pavinšavaŭ Volski na raźvitańnie.
Kamientary