Chaščavacki — Hajdukieviču: Kali vy «vincili» Ščukina, vy byli bolš libierałam ci demakratam?
Debaty kandydataŭ, jakija adrodziać vieru ŭ isnavańnie palityčnaha žyćcia ŭ Biełarusi. Režysior i pradstaŭnik AHP Juryj Chaščavacki i lidar Libierał-demakratyčnaj partyi Aleh Hajdukievič zładzili sapraŭdny palityčny «pierformans» padčas debataŭ kandydataŭ, arhanizavanych telekanałam «Biełsat», sajtam Naviny.by i Jeŭraradyjo.
— Kali vy «vincili» Ščukina, vy byli bolš libierałam ci demakratam?» — zapytaŭsia ŭ byłoha načalnika Frunzienskaha RUUS Minska režysior.
— Usio razam. I demakratam byŭ, i libierałam! — paryravaŭ Hajdukievič, jaki pryznaŭsia, što hłyboka pavažaje Chaščavackaha jak režysiora, ale ž filmy jaho nie hladzić.
— Voś takaja ŭ nas milicyja — libierał-demakraty z dubinami! — praciahnuŭ svoj nastup aŭtar filma «Zvyčajny prezident».
Pra toje, čym skončyŭsia napružany dyjałoh kandydataŭ, jak pradstaŭnica kampanii «Havary praŭdu» Taćciana Karatkievič «patroliła» Chaščavackaha, čamu Uładzimir Navasiad ličyć, što vybary dziakujučy apazicyi robiacca demakratyčnymi i što zrobić Partyja BNF, kali Juryj Mielaškievič atrymaje mandat — u čarhovym vypusku teledebataŭ, jakija hetym razam pryśviečanyja ŭnutranaj palitycy Biełarusi.
Hladzicie ŭ 21:25 u piatnicu, 9 vieraśnia, na telekanale «Biełsat» i na sajtie Naviny.by.
-
Jaŭhien Afnahiel raskazaŭ, što było paśla suda, dzie skandavali «Vierym, možam, pieramožam!» I nazvaŭ, chto dla jaho sapraŭdny lidar Biełarusi
-
Jaŭhien Afnahiel: Piać hadoŭ turmy taho kaštavali, tamu što ja bačyŭ Biełaruś svabodnaj
-
«Nabraŭ 6,8 kh za 1,5 miesiaca». Jak i čym kormiać u ofisach IT-kampanij u Biełarusi i za jaje miežami?
Kamientary