Biełarusbank źbirajecca zapuścić ipateku pad 1% na novabudoŭli?
Takija abmierkavańni ciapier chodziać u śfiery, chacia sam bank aficyjna ničoha pakul nie anansavaŭ.
U śfiery nieruchomaści pahavorvajuć, što Biełarusbank źbirajecca zapuścić ipatečnaje kredytavańnie z unikalnymi ŭmovami.
Ekśpiert rynku nieruchomaści Mikałaj Tukin dzialiŭsia, što heta ipateka budzie dla pakupki novaha žylla ŭ zabudoŭščyka — pad 1% na pieršyja dva hady. A paśla nibyta staŭka składzie 15%.
Inšaja ekśpiertka Natalla Litoŭskaja piša, što, ź jaje infarmacyi, Biełarusbank sapraŭdy rychtuje niejkuju prapanovu, detali buduć viadomyja, chutčej, u dziasiatych čysłach žniŭnia.
Litoŭskaja miarkuje, što kali haradžanam sapraŭdy daduć mahčymaść budavacca pad maleńki pracent, to zabudoŭščyki padymuć ceny, a druhasny rynak stracić pałovu klijentaŭ.
«Kali tanny kredyt raspaŭsiudziać i na druhasnaje žyllo — pryvitańnie, babušatniki pa $2500», — razvažaje ekśpiert.
Sam Biełarusbank płanaŭ ab ipatecy pakul nie anansavaŭ.
Deputatka, jakaja rychtuje pryhažuń dla Łukašenki, vyjšła zamuž1
Kamientary
Jasna, značyć ludzi pierastali kuplać novabudoŭli ŭ zastrojščyka pa hetych šalonych cenach. Dziaržava sprabuje dapamahčy zastrojščykam.