Prezident ZŠA Donald Tramp zajaviŭ, što novyja pieramovy ź Iranam pačnucca ŭ paniadziełak paśla taho, jak jon admianiŭ, pavodle jaho słoŭ, «maštabnyja» ŭdary pa krainie. Iran pakul nie paćvierdziŭ ni datu pieramoŭ, ni svaju hatoŭnaść da ich, piša Bi-bi-si.
«Jany viedali maštab ataki, bo bačyli, jak jana rychtavałasia», — skazaŭ Donald Tramp žurnalistam na borcie samalota Air Force One. «My viadziom ź imi pieramovy. Jany pačnucca ŭ paniadziełak paśla abiedu».
Raniej u sacyjalnaj sietcy Truth Tramp napisaŭ, što Iran i sajuźniki ZŠA na Blizkim Uschodzie paprasili jaho «ŭstrymacca» ad lubych napadaŭ, pakolki «asnoŭnyja ŭmovy» pahadnieńnia ŭžo byli ŭzhodnieny.
Iran pakul nie adreahavaŭ na zajavy Trampa. Prezident ZŠA nieadnarazova śćviardžaŭ, što mirnaje ŭrehulavańnie ŭžo blizkaje, adnak paśla hetaha adbyvalisia novyja ŭdary.
U razmovie z žurnalistami na borcie prezidenckaha samalota Tramp admoviŭsia nazvać krajni termin zaklučeńnia pahadnieńnia z Tehieranam: «Pabačym, jak usio składziecca. My hatovyja dziejničać u luby momant. Ja nie źbirajusia zabivać ludziej».
Tramp taksama dadaŭ, što naśledny prync Saudaŭskaj Aravii Muchamied bin Sałman, a taksama partniory ZŠA, najpierš Abjadnanyja Arabskija Emiraty i Katar, zaklikali jaho ŭstrymacca ad novych udaraŭ u vychadnyja dni.
«My byli całkam hatovyja da pieramoŭ», — skazaŭ Tramp. «Pryčyna, pa jakoj jany prasili, zaklučajecca ŭ tym, što jany ličać: pahadnieńnie ŭžo zaklučana», — adznačyŭ jon. «Pahadnieńnie adnosna Armuzskaha praliva ŭžo jość, i budzie zaklučana taksama pahadnieńnie pa jadziernaj prahramie», — zajaviŭ prezident ZŠA.
Paśla zajaŭ Trampa ab pieramovach na azijackich tarhach źnizilisia suśvietnyja ceny na naftu. Košt nafty marki Brent upaŭ na 4,5% — da 83,98 dalara za baral, a košt amierykanskaj nafty — na 4,6%, da 80,74 dalara za baral.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary