Siarhiej Pryłucki prezientuje knihu vieršaŭ Kim Čžun Cho «Patryjatyzm dla čajnikaŭ» u svaim pierakładzie z paŭnočnakarejskaj, a Pavał Kaściukievič - siamiejnuju sahu «Płan Babarozy».
31 kastryčnika. Brest, Prastora KCH, Chałturyna 2\1, pačatak a 19-j Uvachod — volny
U miežach hramadska-kulturnickaj kampanii «Budźma biełarusami!»
***
Novaja kniha vieršaŭ Kim Čžun Cho «Patryjatyzm dla čajnikaŭ» u pierakładzie z paŭnočnakarejskaj movy Siarhieja Pryłuckaha. Da kanca nieviadoma, ci Kim Čžun Cho — sapraŭdnaje imia i proźvišča aŭtara, ci heta psieŭdanim. Bolš za toje, nichto dahetul nieviadoma, jak jon vyhladaje, dzie naradziŭsia i vyras, i na jakim etapie jon byŭ zavočna prysudžany ŭładami KNDR da śmiarotnaha pakarańnia. Knihu składajuć raniej nieviadomyja teksty, a taksama vieršy sa zbornikaŭ «Ministerstva ŭnutranych orhanaŭ», «Patryjatyzm dla čajnikaŭ», «Zielaniej, mahiłka!» i «Žyły i mazali».
Raman «Płan Babarozy» — heta miłosny šaścikutnik, dzie mienski psichaterapieŭt vybiraje pamiž kachanaj žančynaj i lubaj prababulaj, i dzie fihurujuć jašče try pacyjentki, jakim byli vyratavanyja žyćci. Heta siamiejnaja saha z mocnym čuchonska-halicyjskim akcentam, dzie čatyry pakaleńni prybyšoŭ usio žyćcio navylot zaŭziata asprečvajuć metazhodnaść svajho pierabyvańnia ŭ Miensku. Heta najnoŭšaja historyja Biełarusi na prykładzie adnoj mandražnaj radziny.
Ciapier čytajuć
Łukašenka zajaviŭ pra hatoŭnaść pryjechać u Kijeŭ100
Kamientary