Były ministr abarony Rasii, a ciapier sakratar Rady biaśpieki Siarhiej Šajhu zajaviŭ, što apošnija dziejańni ŭładaŭ Armienii nie adpaviadajuć sajuźnickim adnosinam z Rasijaj i nosiać niepryjazny charaktar. Jon vykazaŭ šerah pretenzij da armianskaha boku.
Pa słovach Siarhieja Šajhu, u 2025—2026 hadach Armienija pačała aryjentavacca na supracoŭnictva z krainami, jakija Rasija ličyć niedružalubnymi. Taksama jon raskrytykavaŭ toje, što ŭ Jerevanie na samicie Jeŭrapiejskaj palityčnaj supolnaści prysutničaŭ prezident Ukrainy Uładzimir Zialenski, što, maŭlaŭ, niepavaha da pamiaci armian, jakija zmahalisia suprać nacyzmu.
Šajhu padkreśliŭ, što Rasija pastaŭlaje ŭ Armieniju šerah važnych tavaraŭ — haz, zbožža, muku, uhnajeńni i bienzin — pa značna nižejšych, prykładna ŭtraja mienšych za rynačnyja, cenach. Pry hetym jon pastaviŭ pad sumnieŭ, nakolki vyhadnymi buduć dla Armienii pastaŭki jaje pradukcyi, naprykład abrykosaŭ, stronhi i minieralnaj vady, u krainy Jeŭrapiejskaha sajuza.
Jon taksama adznačyŭ, što mienavita supracoŭnictva z Rasijaj źjaŭlajecca asnovaj ekanomiki Armienii, i dadaŭ, što ŭ 1990‑ia hady, dziakujučy Rasii, kraina zmahła zachavać svoj suvierenitet.
Hetyja vykazvańni Šajhu nie vypadkovyja, pakolki paralelna z hetym Raśsielhasnahlad zajaviŭ, što z 22 maja ŭvodzić abmiežavańni na ŭvoz kvietak z Armienii.
«Rašeńnie pryniata dla abarony fitasanitarnaha dabrabytu i ekspartnaha patencyjału Rasii. Niahledziačy na dadzienyja harantyi Inśpiekcyjnaha orhana pa biaśpiecy charčovych praduktaŭ Armienii, vyjaŭleńnie karancinnych dla JEAES abjektaŭ praciahvajecca», — paviedamili ŭ viedamstvie.
U Raśsielhasnahladzie śćviardžajuć, što pry ŭvozie 96,2 miljona štuk kvietkavaj pradukcyi było vyjaŭlena 135 vypadkaŭ zaražeńnia. Heta składaje, maŭlaŭ, 77% ad ahulnaj kolkaści vyjaŭleńniaŭ za ŭvieś 2025 hod.
Farmalna heta vyhladaje jak abmiežavańni pa čysta techničnych pryčynach, adnak daŭno viadoma, što sanitarnyja abmiežavańni dla impartu z krain, kiraŭnictva ci narod jakich niečym nie dahadzili Kramlu — standartnaja praktyka rasijskich uładaŭ. Znachodžańnie Raśsielhasnahladam u pradukcyi čahości škodnaha amal zaŭsiody dzivosnym čynam supadaje z ahulnym paharšeńniem miždziaržaŭnych adnosin.
Turcyja abjaviła pra admienu abmiežavańniaŭ na pramy handal z Armienijaj
Pašynian admoviŭsia prysutničać na paradzie ŭ Maskvie
Pucin zajaviŭ, što vajna va Ukrainie «blizkaja da zaviaršeńnia», i choča, kab pieramoŭnikam byŭ Šroder
Pašynian paskardziŭsia kiraŭnictvu ES na hibrydnyja pahrozy
Śpikier armianskaha parłamienta: My nie dazvolim pieratvaryć Armieniju ŭ hubierniu, jak Biełaruś
«My abrali šlach demakratyzacyi, jany — krychu inšy». U Armienii adreahavali na notu biełaruskaha MZS
Ciapier čytajuć
U Minsku masažyst Andrej tajemna zdymaŭ hołych klijentak27
Kamientary