Prajekt «Kinakonh», jaki zajmajecca ahučkaj filmaŭ na biełaruskuju movu, praciahvaje pačatuju letaś tradycyju - «Biełaruskija ŭikendy». U hety raz hledačoŭ čakaje niešta novaje: pa-pieršaje, heta budzie premjera animacyjnaha filma, jaki biełarusy jašče nia bačyli na šyrokim ekranie, a pa-druhoje, pakazy na hety raz adbuducca ŭ kinateatry «Maskva».
Multfilm «Tajamnica Kiełza» raspaviadaje kazačnuju historyju, zasnavanuju na realnych padziejach ICH stahodździa ŭ Irłandyi. Hałoŭny hieroj, chłopčyk Brendan, žyvie ŭ abactvie Kiełz. Nieŭzabavie ŭ hetaje abactva prybyvaje słavuty aśvietnik Ejdan ź niejkaj tajamničaj knihaj… U dalejšych pryhodach buduć udzielničać nie tolki jany, ale i čaroŭnaja dziaŭčynka Ašlinh ź lesu, i kot Ejdana Panhurban.
Krytyki pa ŭsim śviecie z zachapleńniem sustreli «Tajamnicu Kiełza». Stužka była adznačana šeraham uznaharod i naminacyj, uklučna z naminacyjaj na «lepšy animacyjny film» premii Oskar. Dziakujučy najpryhažejšaj hraficy, jakuju adzin ź viadomych ahladalnikaŭ nazvaŭ «šedeŭram dekaratyŭnaj animacyi», a taksama cikavamu i hłybokamu siužetu, film spadabajecca jak dzieciam, tak i darosłym.
Film ahučany pry padtrymcy «Atłant Telekam» («Vełkom ACS»). U ahučcy ŭdzielničali Pavał Charłančuk, Hanna Chitryk dy inšyja viadomyja biełaruskija akciory.
Bilety možna nabyć u kasach kinateatra ci ŭ internecie.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary