«Krama» vystupić z prahramaj jubilejnaha kancerta 26 sakavika

Hurt «Krama» daść vialiki «viasnovy kancert» u brovary «Druźja» 26 sakavika. Pavodle słovaŭ lidara hurta Ihara Varaškieviča, heta pieršy kancert u takim farmacie, ale hurt płanuje i ŭ dalejšym źbirać siabroŭ i prychilnikaŭ tvorčaści rańniaj viasnoj.

U tych amataraŭ kłasičnaha roku i jakasnaj biełaruskaj muzyki, chto pa niejkich pryčynach nie zmoh pavinšavać «Kramu» z 25-hodździem u Prime-hall, jość mahčymaść prasłuchać jubilejnuju prahramu 26 sakavika.

Pavialičyć

Varaškievič raspavioŭ, što jubilejny kancert u prime-hall płanavałasia zdymać na videa. Ale padčas kancertu «zdaryłasia katastrofa» — zavis ličbavy pult, i huk byŭ zapisany z brakam.

«Sutnaść nie ŭ tym, chto byŭ vinavaty ŭ toj situacyi, a tym, što ŭžo ničoha nie parobiš. Było šmat idej, da prykładu, zapisać huk dla videa ŭ studyi. My ad hetaha admovilisia, bo heta budzie nie sumlenna. Taksama była ideja pierajhrać hety ž kancert u pustym Prime-hall, ale, viadoma, enierhietyka budzie zusim nie taja, i my ad hetaha taksama admovilisia,» — raspavioŭ Ihar Varaškievič.

Pierabraŭšy mnostva idej, «Krama» vyrašyła paŭtaryć jubilejnuju prahramu na viasnovym kancercie, u nadziei, što na hety raz z hukam prablem nie ŭźniknie. Atrymany huk budzie zmantavany ź videa, źniatym u listapadzie 2016-ha.

«Kancerty byvajuć roznyja, ale heta byŭ adzin z tych redkich kancertaŭ, kali ty prosta kupaješsia ŭ huku, vychodziš — i ź pieršaj pieśni ŭ ciabie kantakt z załaj, a śviata praciahvajecca dźvie hadziny. Tamu hublać jaho nielha, i my vyrašyli pajści na taki kampramis. Usio budzie sumlenna. Prosta huk budzie ź inšaj placoŭki,» — padzialiŭsia Varaškievič.

Adzinaje adroźnieńnie — na viasnovym kancercie nie budzie zaprošanych haściej dla vystupleńnia z «Kramaj» na adnoj scenie, jak heta było ŭ Prime-hall.

«Heta fizična niemahčyma. My, ułasna kažučy, i ŭvieś kancert nie zmožam paŭtaryć, tamu što jość pieśni, zhranyja ad pačatku i da kanca, jak na płytcy, pad mietranom, a jość pieśni, jakija majuć svoj kancertny varyjant: «Hej, nalivaj», naprykład, «Što dapamoža nam», dzie z załaj jość peŭnyja pieraklički, dzie my śpiavajem razam. Na kožnym kancercie heta adbyvajecca pa-roznamu, i paŭtaryć heta niemahčyma, tut zakony matematyki nie dziejničajuć,» — kaža lidar «Kramy».

Kalektyŭ spadziajecca, što dziakujučy «viasnovamu kancertu» ŭdasca vyratavać chacia b 70 % ad jubilejnaha.

Varaškievič taksama adznačyŭ, što, mahčyma, ź ciaham času ŭ viasnovych kancertaŭ składziecca svaja ŭłasnaja tematyka.

PUP «Kancert anłajn» UNP 192400162

• 0
• 0
• 0
• 0
• 0
• 0
• 0
• 0