Pačataja ŭradam Vienhryi kampanija suprać amierykanskaha finansista i fiłantropa vienhierskaha pachodžańnia Džordža Sorasa vyklikaje krytyku z boku mižnarodnaj supolnaści.
U stalicy i inšych haradach Vienhryi źjavilisia nadrukavanyja za košt dziaržaŭnaj kazny płakaty, na jakich 86-hadovy Soras śmiajecca. «Nie dazvolcie Džordžu Sorasu śmiajacca apošnim», - abviaščaje nadpis na ich.
Pasoł Izraila ŭ Budapiešcie Josi Amrani i lidary jaŭrejskaj abščyny Vienhryi paprasili ŭłady spynić hetuju kampaniju, bo jana, na ich dumku, «raspalvaje antysiemityzm» (Džordž Soras naradziŭsia ŭ Vienhryi ŭ jaŭrejskaj siamji).
Dziaržministr pa spravach Jeŭropy ŭ hiermanskim MZS Michael Rot zajaviŭ u Budapiešcie ŭ subotu, što ŭ jaho prosta niama słoŭ, kab apisać reakcyju na hetyja płakaty.
Adnak vienhierski ŭrad pakul nijak nie reahuje na hetyja kamientary.
Premjer-ministr Vienhryi Viktar Orban abvinavačvaje Džordža Sorasa ŭ tym, što jon svaimi dziejańniami i pohladami spryjaje prytoku mihrantaŭ u Jeŭropu. Soras, u svaju čarhu, abvinavačvaje Orbana ŭ stvareńni mafijoznaj dziaržavy.
U niadzielu aktyvisty apazicyjnaj partyi «Razam» pačali zryvać płakaty ŭ adnym rajonie Budapiešta. U partyi havorać, što majuć namier dziejničać tak pa ŭsioj krainie.
Płakaty - apošni vitok ŭzmacniajecca kanfliktu pamiž Džordžam Sorasam i pravym uradam Viktara Orbana.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha13
Kamientary