18 krasavika adznačajecca Mižnarodny dzień pomnikaŭ i miaścinaŭ. U Biełarusi da hetaha śviata prymierkavany Fest ekskursavodaŭ, padčas jakoha biaspłatna možna trapić na samyja raznastajnyja ŭnikalnyja aŭtarskija ekskursii pa ŭsioj krainie, a taksama ŭ Varšavie, Prazie, Vilniusie, Lvovie.
Sioleta Fest ekskursavodaŭ projdzie 21—22 krasavika. Kožny hod jon maje svaje admietnaści, i dziaviaty festaŭski siezon nie stanie vyklučeńniem. Aproč novych niezvyčajnych ekskursij upieršyniu ŭ miežach Festa projdzie Biełaruskaja intelektualnaja hulnia, jakaja budzie pryśviečana temie historyka-kulturnaj spadčyny i turyzmu.
Ekskursii ŭ miežach Festa zapłanavany samyja raznastajnyja: dziciačyja, litaraturnyja, rovarnyja, animavanyja, ekskursii-kvesty. Taksama adbuducca vandroŭki dla ludziej z abmiežavanymi mahčymaściami. Padčas Festa projduć cikavyja imprezy i majstar-kłasy.
Siarod jeŭrapiejskich haradoŭ ekskursijnyja vandroŭki adbuducca ŭ Varšavie, Prazie, Lvovie.
Ideja Festa naradziłasia ŭ 2009 hodzie ŭ asiarodku nieabyjakavych da historyi ludziej, i z hoda ŭ hod jon pašyrajecca i vyklikaje vialikuju cikavaść u naviedvalnikaŭ. Adbyłosia ŭžo 8 fiestyvalaŭ, jakija naviedali tysiačy ŭdzielnikaŭ, prajšli sotni cikavych raznapłanavych ekskursij. Za hety čas u Festa źjavilisia pastajannyja naviedvalniki i šmatlikija prychilniki, jakija ź nieciarpieńniem čakajuć štohadovaje śviata ekskursij.
Arhanizatarami Festa ekskursavodaŭ-2018 vystupajuć Biełaruski kamitet Mižnarodnaj rady pa pomnikach i miaścinach (ICOMOS), Biełaruskaje hramadskaje abjadnańnie ekskursavodaŭ i hidaŭ-pierakładčykaŭ, DU «Nacyjanalnaje ahienctva pa turyźmie», Hramadskaje abjadnańnie «Biełaruski fond kultury».
Padrabiaznuju infarmacyju možna daviedacca pa telefonie +375297762435, a taksama na sajcie fiestyvala festguides.by.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki5
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary