Tramp skazaŭ sponsaram, što bačyć Džej Dzi Vensa nastupnym prezidentam ZŠA
«U kančatkovym rachunku, nam treba abrać Džej Dzi».
Prezident ZŠA Donald Tramp padčas pryvatnaj hutarki z donarami zajaviŭ, što chacieŭ by bačyć pieramohu vice-prezidenta Džej Dzi Vensa na prezidenckich vybarach 2028 hoda, paviedamlaje The Washington Post spasyłkaj na dźvie krynicy.
«U kančatkovym rachunku, nam treba abrać Džej Dzi», — pryvodzić vydańnie słovy Trampa.
Pavodle źviestak WP, hetaja zajava śviedčyć pra hatoŭnaść Trampa publična padtrymać Vensa. Razam z tym, jak adznačajecca ŭ materyjale, vykazvańnie razychodzicca z rytorykaj Trampa ciaham apošniaha hoda, kali jon publična padahravaŭ kankurencyju za svaju prychilnaść pamiž Vensam i dziaržsakratarom Marka Rubia.
Razam z tym šeść inšych daradcaŭ i sajuźnikaŭ Trampa papiaredzili, što jany nie ŭpeŭnienyja ŭ kančatkovym vybary Vensa, pakazaŭšy, što prezident ZŠA ahučvaje roznyja pazicyi roznym ludziam i jašče moža pieradumać. Pamočniki Trampa, jak piša hazieta, sychodziacca ŭ mierkavańni, što prezident adkładzie padtrymku, kab nie vyhladać «kulhavaj kačkaj».
Vens i Rubia pakul nie zajaŭlali pra namier udzielničać u prezidenckaj kampanii. Rubia ŭžo bałatavaŭsia ŭ 2016 hodzie, ale vyjšaŭ z honki paśla parazy na prajmieryz ad Trampa.
Nastupnyja prezidenckija vybary ŭ ZŠA projduć u listapadzie 2028 hoda.
Zhodna z 22‑j papraŭkaj da Kanstytucyi ZŠA, pryniataj u 1951 hodzie, znachodžańnie na pasadzie prezidenta abmiežavana dvuma terminami. Jana była pryniata paśla taho, jak Franklin Ruźvielt čatyry razy vyjhravaŭ vybary.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki17
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary
Rubio krutoj dziadźka za jakoha buduć hałasavać łatynasy i kataliki.