30 červienia na terytoryi Muzieja narodnaj architektury i pobytu pad Minskam adbudziecca novy rok-fiestyval «Naš dzień», łajn-ap jakoha składajecca z 12 najlepšych imionaŭ sučasnaj biełaruskaj rok-muzyki.
U feście voźmuć udzieł: Volski, Dzieciuki, Akute, B:N:, «Daj darohu!», Nizkiz, «Krama», The Superbullz, Mutnajevoka, Źmicier Vajciuškievič, Piotr Klujeŭ. Pieršaja partyja kvitkoŭ budzie kaštavać 20 rubloŭ. Start prodažu — a 12-j u sieradu 23 maja. Za infarmacyjaj pra mierapryjemstva možna sačyć na staronkach u Facebook i VK.
— Biełaruskaja fiestyvalnaja kultura raźvivajecca, u afišy ŭsio bolš festaŭ z udziełam papularnych zamiežnych artystaŭ. Ale trochi kryŭdna, što kłasnyja biełaruskija muzyki čaściakom zastajucca na druhim płanie. My chočam vypravić hetuju situacyju pa prykładzie susiednich krain, dzie daŭno šmat festaŭ z akcentam na svaju muzyku, — kaža adzin z arhanizataraŭ mierapryjemstva Uładzimir Płavinski.
Fiestyval budzie adbyvacca z 12.00 da 22.00. Vialiki łajn-ap dapoŭniać adukacyjnyja aktyŭnaści, hulni dla dziaciej i darosłych, cikavyja kvesty, fudkorty, kirmaš i inšyja zabavy. Ad stancyi mietro «Malinaŭka» budzie kursiravać fiestyvalny aŭtobus. Muziej narodnaj architektury i pobytu znachodzicca ŭ vioscy Aziarco — 4 km ad MKAD za aŭtarynak «Malinaŭka». Infalinija: (033) 661 14 32.
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary