Na nastupnym tydni spačatku budzie vielmi horača, a paśla pachaładaje
Sinoptyk Dźmitryj Rabaŭ u efiry telekanała ANT paviedamiŭ, što z 3 da 9 žniŭnia ŭ Biełarusi spačatku ŭstalujecca vielmi haračaje nadvorje, a zatym adbudziecca prykmietnaje pachaładańnie.
U paniadziełak čakajecca soniečnaje i suchoje nadvorje pad upłyvam antycykłonu. Ranicaj miescami mahčymy tuman. Unačy tempieratura składzie ad +12 da +19 hradusaŭ, a ŭdzień — ad +25 na poŭnačy da +31 hradusa ŭ Bresckaj i Homielskaj abłaściach.
U aŭtorak na poŭdni krainy mahčymyja karotkačasovyja daždžy i navalnicy. Nočču budzie ad +13 da +20 hradusaŭ, a ŭdzień pavietra prahrejecca ad +27 na Viciebščynie da +37 hradusaŭ u Bresckaj vobłaści.
U sieradu čakajecca pik śpiakoty. Pavodle prahnozu, apadkaŭ nie pradbačycca, a tempieratura ŭdzień składzie ad +32 da +38 hradusaŭ. Unačy budzie ad +15 da +25 hradusaŭ.
U čaćvier praz terytoryju Biełarusi pačnie prachodzić atmaśfierny front, jaki pryniasie karotkačasovyja daždžy i bolš prachałodnaje pavietra. Nočču čakajecca ad +10 da +17 hradusaŭ, a ŭdzień — ad +23 na poŭnačy krainy da +30 hradusaŭ u Homielskaj vobłaści.
U piatnicu istotnych apadkaŭ nie prahnazujecca. Miescami mahčymy tuman. Tempieratura pavietra ŭnačy składzie ad +13 da +18 hradusaŭ, udzień — ad +22 na poŭnačy da +26 hradusaŭ u Bresckaj vobłaści.
U vychodnyja nadvorje budzie vyznačacca zachodnimi atmaśfiernymi frantami. U subotu ŭdzień miescami projduć karotkačasovyja daždžy i navalnicy. Tempieratura nočču składzie ad +10 da +15 hradusaŭ, udzień — ad +17 na Viciebščynie da +25 na poŭdni Bresckaj i Homielskaj abłaściej.
U niadzielu ŭ bolšaści rajonaŭ taksama čakajucca daždžy. Unačy budzie kala +12 hradusaŭ, a ŭdzień — ad +19 da +25, na paŭdniovym uschodzie Homielskaj vobłaści pavietra moža prahrecca da +27 hradusaŭ.
Kamientary