Žurnalist «Sovietskoj Biełoruśsii» Krat: Za situacyjaj vakoł TUT.by naziraju sa złaradnaściu
Palityčny ahladalnik haziety Administracyi prezidenta «Sovietskaja Biełoruśsija» Dźmitryj Krat na staroncy ŭ fejsbuku padzialiŭsia nazirańniami pa spravie suprać žurnalistaŭ tut.by i BiełaPAN, jakija padazrajucca ŭ kradziažy infarmacyi ahienctva BiełTA.
«Pryznajusia ŭ hrešnym. Za situacyjaj vakoł tutbaja ja naziraju nie bieź niekatoraj złaradnaści. I nie tamu, što mnie naplavała ŭ kapustu kankretna Zołatava abo Karaviankova. Ja ich i viedać nie viedaju i pablizu, zdajecca, nie bačyŭ nikoli. Moža, jany całkam sabie simpatyčnyja damy i vielmi pryjemnyja i zručnyja ŭ pobycie. Ale voś u prafiesijnym sensie jany i ich kalehi mianie daŭno napružvali. Pa adnoj prostaj i važnaj pryčynie: ja pavinien achoŭvać zakony, a jany vyrašyli, što hetyja samyja zakony pišucca nie dla ich», — napisaŭ Krat.
Žurnalist «SB» nie razumieje, čamu tut.by, jaki pazicyjanavaŭ siabie jak «ahrehatar navin», raptoŭna staŭ aburacca, što ich nie puskajuć na pres-kanfierencyi i inšyja mierapryjemstvy. «Jak kazała maja ŭkrainskaja babula: «Vy što, chočacie vysr..cca i nie nadźmucca?»
«Maja złaradnaść mienavita adsiul. Čamu ja, idučy na pracu, pastajanna trymaju ŭ hałavie dumku pra toje, što jość zakony, jakija rehłamientujuć pracu žurnalista, a vam na heta načchać? Čamu ja, cytujučy BiełTA abo lubuju inšuju krynicu infarmacyi, nie lanujusia ŭ hetym pryznacca, pakidajučy ŭ tekście adpaviednuju spasyłku, a vam ułom? I naohuł, čamu, pracujučy na adnym infarmacyjnym poli, ja pavinien prytrymlivacca ahulnaŭstalavanych praviłaŭ, a, naprykład, madam Karaviankova, Zołatava abo lubaja inšaja Hrycacujeva pry hetym budzie kiravacca vyklučna ŭłasnymi ŭjaŭleńniami pra toje, što možna, a čaho nielha?» — pytajecca Krat.
«Mianie ž bolš zajmaje ciapier vichlańnie haspadara resursu. Dziaŭčynak spadar užo źliŭ — maŭlaŭ, ich asabistaja inicyjatyva. Brava! Nie jon ich tak vučyŭ i vychavaŭ. Nie jon patrabavaŭ takoj palityki resursu. Nie jon jaje kantralavaŭ i nie jon jaje ŭchvalaŭ. Bieły i puchnaty i nie pry spravach. Adciskajciesia, panienki. Mužyk vas bolš čym pajmieŭ», — napisaŭ Krat.
Ź im całkam salidaryzavaŭsia inšy palityčny ahladalnik «SB» Raman Rudź.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary