Arhanizatary fiestyvalu «Kamianica z Bankam BiełVEB» abviaścili poŭny śpis artystaŭ, jakija vystupiać 1 vieraśnia na hałoŭnaj scenie. Mierapryjemstva adbudziecca na terytoryi Muzieja narodnaj architektury i pobytu ŭ vioscy Aziarco, za 4 kiłamietry ad aŭtarynka «Malinaŭka».
Jubilejnaja, dziasiataja pa liku, «Kamianica» źbiare na adnoj scenie vykanaŭcaŭ, jakija ŭžo stali simvałami biełaruskaj muzyki, pryčym nie tolki ŭ fołk-halinie. Hledačoŭ čakajuć vystupy hurta siaredniaviečnaj muzyki «Stary Olsa», etna-trya «Troica», rok-muzyki Lavona Volskaha (u duecie z Paŭłam Arakielanam), a taksama hałoŭnaha biełaruskaha liryka Źmitra Vajciuškieviča razam z WZ-Orkiestra. Zamiežnymi haściami fiestyvalu buduć fołk-kalektyvy Joryj Kloc (Ukraina) i «Tiesto» (Rasija). Hučny finał zabiaśpiečyć kałarytny biełaruski fołk-mietał hurt Trollwald (były Litvintroll).
— My robim usio, kab hety fiestyval staŭ najlepšym za dziesiać hadoŭ pa ŭsich paramietrach: ad artystaŭ da zabaŭ i fudkorta. Kab usim haściam — i darosłym, i dzieciam — było cikava i kamfortna. Zapłanavana niekalki scen, šmat roznych placovak i pryhožych vystupaŭ, — kaža kaardynatar fiestyvalu Aleh Pašak.
Kvitki na «Kamianicu» ŭ papiarednim prodažy i ŭ pieršuju hadzinu fiestyvalu kaštujuć 15 rubloŭ (da 13:00 1 vieraśnia). Paśla — 20 rubloŭ. Školnikam i studentam — ilhoty. Prodaž na sajcie i ŭ kasach Kvitki.by, a taksama ŭ ofisie Muzieja narodnaj architektury i pobytu ŭ Minsku. Adras: vuł. Kalvaryjskaja d. 17, k. 614. Čas pracy: z 10:00 da 16:30.
Fiestyvalnaja placoŭka adčynicca 1 vieraśnia ŭ 11:00. Muzyčnaja i zabaŭlalnaja prahramy startujuć ŭ 12:00. Hledačy ŭ poŭnych viersijach nacyjanalnych strojaŭ (ad hałaŭnych uboraŭ da pasujučaha abutku) prachodziać biaspłatna. Infalinija: (033) 661-14-32, (017) 209-41-63.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary