U vyniku vybuchu ŭ Siryi zahinuli šeść čałaviek, jakija, jak miarkujecca, adnosiacca da padraździaleńniaŭ «pryvatnaj vajennaj kampanii Vahniera», paviedamlaje rasijskaja «Novaja hazieta» sa spasyłkaj na krynicy ŭ Siryi.
Vybuch adbyŭsia 4 listapada ŭ byłym budynku siryjskaj kryminalnaj palicyi, raźmieščanym na trasie Damask — Dejr-ez-Zor.
Usiaho zahinuła 11 čałaviek, u tym liku, piaciora bajcoŭ Siryjskaj uradavaj armii.
Pavodle krynicy, na miescy vybuchu znachodzicca adno z padraździaleńniaŭ 5-ha korpusa Siryjskaj uradavaj armii, ukamplektavanaha siryjskimi dobraachvotnikami i ŭzmocnienaha rasijskimi «vajskovymi daradcami».
Ź finansavańniem «pryvatnaj vajennaj kampanii Vahniera» źviazvajuć Jaŭhiena Pryhožyna, rasijskaha biznesmiena, blizkaha da Uładzimira Pucina.
Kamientary